استعرض الفنان علي ربيع، من خلال صفحته الرسمية على موقع التواصل الاجتماعي «فيس بوك»، عدد من المشروعات التنموية لرجل الأعمال أحمد أبو هشيمة، في الصعيد.

وشكر «ربيع»، «أبو هشيمة»، من خلال إحدى منشوراته، والتي تضم عدد من صور المشروعات قائلًا: «جرعة إيجابية أنا متأكد أنك أول مرة تشوف البوست دا لأنه محدش في إعلامنا فكر يتكلم عنه الصور دي مش في كومباوند ولا شقق سوبر لوكس للإيجار دي قرية في المنيا اسمها قرية الأنصاري أغلب أهلها مسيحيين كانو عايشين في مستوى غير مقبول للآدمية تمامًا اتبناها رجل الأعمال أحمد أبو هشيمة، وفي صمت ومن غير ما يعمل فرح ولا يعمل مداخلات في القنوات ويتمنظر بالخير دا زي ما شوفنا من ناس عندها نقص عارفين أنا عملت بحث على موضوع تطوير القرى اللي شغال عليها، اكتشفت إن القرية دي مش أول قرية دي طلعت القرية التاسعة اه والمصحف عامل 9 قرى تطوير كامل من أول ما بيبني البيت ويشطبه تشطيب سوبر لوكس وكمان بيفرشه فرش كامل بكل ملتزماته واللي بجد عجبني إن بيشوف كل الفتيات اللي في القرية بيجهزو جهازهم علشان الجواز وبيشتري ليهم كل مستلزمات الجواز».