يعاني الإعلامي الساخر باسم يوسف من انزلاق غضروفي إثر تعرضه لإصابة حادة خلال لعبه مباراة للإسكواش.

شارك باسم يوسف بصورة له عبر حسابه الرسمي على موقع الفيديوهات والصور الشهير "إنستجرام" خلال تواجده بالمستشفى.


علق يوسف على الصورة قائلا: "السنة دي ابتدت باني مش عارف حتى امشي او أقف، اللي كنت فاكره مجرد مزق في عضلات الظهر طلع انزلاق غضروفي وسبب لي ألم شديد جدا وعدم قدرة على الحركة".

و تابع يوسف: "في دبي صعب جدا الواحد يلاقي عناية طبية في وقت قليل وتقدر تثق فيها، لكن دكتور مدحت شلبي رئيس قسم التخدير وعلاج الالم في مستشفى الزهراء بدبي جه بنفسه وخدني على المستشفى كأني اخوه مش مجرد مريض".

وأضاف: "اللي عمله معايا هو ودكتور اسامة الزمزمي رئيس قسم الأشعة ما يتوصفش، في يوم المفروض انه اجازة أحسن ناس كانت هنا بتتعامل معاه كأنه يوم عادي، شكرا جدا لرئيس المستشفى الدكتور، مهيمن عبد الغني، شكرًا دكتور محمد رمزي استاذ جراحة الاعصاب".

واختتم كلامه: "سعيد اني شفت صديقي محمد حلفاوي من ايّام الكلية، وشكرًا يا جماعة على التلاتة مجم مورفين، انا ما عملتش دماغ امبارح بس دلوقتي متسلطن على الاخر، احساس جميل انك تبقى داخل على كرسي بعجل وتطلع على رجلك، قريبا نعود لملاعب الإسكواش، ملحوظة الدكاترة المصريين كالعادة مشرفينا في كل حتة".