قالت السيدة تهاني التي اتهمت أحد الشيوخ بمحافظة أسيوط بالسحل والتعدي عليها لعدم ارتدائها النقاب، إن نجل الشيخ دائمًا ما يتعرض لها بمضايقات في الخروج والدخول وافتعال الكثير من المشكلات معها ومع أطفالها لرفضه طريقة ارتداء ملابسها لكونها لم ترتدي النقاب وكل أهل بيته يرتدونه رغم أنها مجرد جارة لهم.

وأضافت تهاني: "يوم الواقعة كنت في عودتي من العمل وتقابلت مع عبد الرازق نجل الشيخ خارج من الجامع عليا على طول وامسك بي "انتى لسه كدة... ايه لبسك ده"، ولما صديته وكلمت مرات أبوه نزل هو وأبوه واتلموا عليا أكتر من 20 واحد ضرب وسحل وجرجرونى في الشارع وقطعوا ملابسي واتحجزت في المستشفى يومين عشان الضرب ده إصابات في العين والرأس والجسم".

وتابعت: "ولما روحت النيابة حتى مفيش كلبش اتحط في إيديهم عشان هما واصلين وليهم ناس، واتحرر المحضر ومحدش جابلي حقي".

واستغاثت الممرضة: "أنا مهددة أنا وبناتي حتى بنتي الكبيرة لما بتروح الدرس بيعملوا معاها مشاكل وفيه ناس بيتعرضولها في الشارع وكمان بعتولي حد يخبط على الباب رغم إنى بقيم لوحدي أنا وولادي ودايما يشتمنى ويهزقنى وهو من متعاطي المخدرات، وقالوا نصًا "يا تسيبي البيت وتمشي يا إما تلبسي النقاب أو متخرجيش الشارع نهائي"، وعشان كدة بروح شغلي من الشارع الخلفي لأن بخاف يتعرضولى".

وتعود أحداث الواقعة عندما تلقى اللواء عاطف قليعي مدير أمن أسيوط، إخطارًا من مأمور مركز شرطة أبوتيج يفيد قيام"تهاني.خ.ع" 33 سنة ممرضة بمستشفى أبوتيج المركزي بتحرير محضر ضد كل من "حسني.ح.م" وشهرته الشيخ ياسر، ونجله""عبد الرازق.ح" بعد التعد المبرح عليها بالضرب والسحل مجردة من ملابسها بالشارع ومعهم ما يقرب من 20 شخصًا بسبب عدم ارتدائها النقاب بالمنطقة التي تقطنها بالساحة الشعبية بأبو تيج، وتهديدها بضرورته وإلا سيتم معاقبتها.

وحررت المجني عليها المحضر رقم 285جنح قسم شرطة أبو تيج مركز أسيوط، وارفقته بتقرير طبي أول بمستشفى أبو تيج المركزي، وتم استدعاء المبلغ عنهم وسؤالهم حول الواقعة وصحتها.