أرسل أحد القراء عبر خدماتنا التفاعلية على موقع التواصل الاجتماعي، استغاثة عاجلة إلى الدكتورة غادة والي، وزيرة التضامن الاجتماعي، يطالب فيها بتوفير سكن لسيدتين توأم ليس لديهما سكن أو مأوى يحميهما من أذى البرد القارص.

وذكر القارئ في رسالته: "أن كل واحدة منهما ساكنة في غرفة بسيطة جدًا، وملهمش حد بيسأل عليهم لا زوج ولا أولاد، فيهم واحدة مكسورة من 3 سنين، والأخرى كفيفة، بينهم وبين بعض شارع، عايشين ازاي محدش عارف، ربك وحدخ هو اللي عالم بحالهم".

واستكمل: "وأنا بسألهم نفسكم في إيه يا حاجة أجيبهولك، أقسم بالله العظيم قالت أي حاجة أكلها حلاوة مثلًا أو حتة جبنة شوية زيتون، ولو عملتوا فيا جميل شال أحطه على ظهري من البرد، ولما سألت أختها ناقصك إيه يا حاجة؟ قالت نفسها في حد يسأل عليها ويشوفها".

وأضاف "الناس دي الفلوس بالنسبة لهم ورق ولا يسوى، كل آمالهم ناس تزورهم وتسأل عليهم مش أكتر، يا ريت اللي محتاج يشوف الجنة ويشوف أمه في الأختين دول يتواصل معايا، ويروح يحضنهم ويبوس ايديهم ويقولهم كلنا ولادكم".

يناشد موقع "المواطن" غادة والي، وزيرة التضامن الاجتماعي، بالتدخل وتوفير مسكن للأختين التوأم في وقت عاجل.

شاركونا في تحرير المواد الصحفية بإرسال الصور، والفيديوهات والأخبار الموثقة، والمقالات والشكاوى لنشرها بالموقع، عبر خدمة، "واتس آب" المواطن برقم 01012754111، أو عبر البريد الإلكتروني "[email protected]"، أو عبر رسائل "فيس بوك"، على أن تنشر الأخبار المصورة، الفيديوهات باسم القراء.