وجه الإعلامي الساخر، باسم يوسف، تهنئة إلى الشعب المصري بمناسبة حلول شهر رمضان المبارك، قائلاً: لفت السنة و رمضان رجع تاني، كل سنة و أنتم طيبين، بس ياريت اللي يصوم يعرف إنه بيصوم لربنا مش عشان يتنطط على خلق الله، مش لازم تطلع عصبيتك ع الناس و تذيلها بجملة أصل انا صايم، ده سلوك عيل عنده ست سنين عايز يشد انتباه الناس و خلاص .
وتابع يوسف، في منشور له على صفحته الشخصية بموقع التواصل الاجتماعي فيس بوك ، مش كارثة لو شفت واحد بياكل و يشرب قدامك، غيرك ملايين المسلمين عايشين في بلاد عدد ساعات الصيام أكتر من عندك و الجو حر أكتر من عندك و بينزلوا الشارع و الناس واكلة و شاربة و هايصة و مش بيفرق معاه و ماعندوش رغبة يحسس اللي حواليه ببطولته و قوة احتماله .
وأضاف يوسف، موضوع إن ده بيأذي مشاعر الصائم دي حجة واهية و للأسف الدولة بقبضها على المفطرين في السنين اللي فاتت بتساند المنطق المعيوب ده، لأننا بقى لو مدينا الخط على استقامته ممكن كده بقى ناس تطلع في أوروبا و أمريكا و تمنع الحجاب و تمنع بناء المساجد و ممارسة الشعائر الدينية لان ده ممكن يكون مؤذي للمشاعر ما هو انت ماينفعش تاخد كل حاجة تمتعض من بناء الكنائس و تقف ضد حرية العقيدة (اللي بالنسبة ليك تلات ديانات بس) و تمنع الإفطار للي عايز و بعدين تيجي تصوت و تعيط لما يمنعوا بناء مأذنة .
وأنهى يوسف، حديثه قائلاً: من الآخر صيامك و صلاتك و دينك ده ليك و لربك، حتى عشان تأخذ الثواب يا أخي. كل سنة و أنتم طيبين .