استطاع بكلماته البسيطة وتلقائيته الشديدة احتلال قلوب وعقول المصريين من كافة الطبقات، فهو واحد من أهم شعراء الإنسانية، تميّز برباعياته التي تعبر عن الحياة في أربع جمل، لا يستطيع أحد أن ينساها، لسهولتها وبساطتها التي تصل لقلوب البسطاء قبل المُثقفين إنه صلاح جاهين، صاحب الموهبة الشاملة النادرة المُتعددة، فكان الشاعر، والرسام، والكاريكاتير، والسيناريست.

وتمر علينا اليوم ذكرى وفاته في 21 إبريل من عام 1986، وتخليدًا لذكراه يرصد "المواطن" خلال السطور التالية، أشهر رباعيات صلاح جاهين عن الحب.



أنا قلبى كوره.. والفراودة أكم

ياما اتنطح وانشاط.. وياما اتعكم

وأقول له كله حينتهى فى الميعاد

يقول بساعتك؟ ولا بساعت الحكم؟

عجبى !!!!



ليه ياحبيبتي ما بينا دايمًا سفر

ده البعد ذنب كبير لا يغتفر

ليه يا حبيبتي ما بينا ديمًا بحور

أعدي بحر.... آلاقي غيره اتحفر

عجبى !!!!



سمعت نقطه ميه جــوه المحيط

بتقول لنقطه ماتنزليش فى الغويط

أخاف عليكى م الغرق..... قلت انا

ده اللى يخاف م الوعد يبقى عبيط

عجبى !!!!!!



أوصيك يا إبنى بالقمر والزهور

أوصيك بليل القاهره المسحور

وإن جيت فى باللك... إشترى عقد فل

لأى سمرا... وقبرى إوعك تزور

عحبى !!!!!



يـا مشرط ألجـــراح أمـــانه علـــيك

وانت ف حشـايا تبص من حواليك

فيه نقطه سوده فى قلبى بدأت تبان

شيلها كمان... والفضل يرجع ليك

عجبى !!!!!



عـاد الربيع كـأنه طعم الحـب

والحب نار جوه العروق بتصب

اتمـتع ازاى بيه وانا مـ ت ـق ـط ع

من كتر خوفى لا فى الخطيئه يطب

عجبى !!!!ا



أنا اللي بالأمر المحال اغتوى..

شفت القمر نطيت لفوق بالهوا..

طلته ما طلتوش إيه انا يهمني....

وليه...ما دام بالنشوة قلبي ارتوى.

عجبي!!!!!!



كروان جريح مضروب شعاع م القمر

سقط من السموات فؤاده أنكسر

جريت عليه قطه عشان تبلعه

أتاريه خيال شعراء ومالهوش أثر

عجبى !!!!!!



كل اللى فى الخماره صـابهم جنـون

صـبحوا الرجال يتبـادلو كاس المنـون

وبـدم ونبيـت انكتب ع الجـدار

ا(يا ميت ندامه ع اللى قلبـه حنون)ا

عجبى!!!!