عايز تعرف أنا مين؟ تعالا أقف معايا في الكمين وخلي عنيك تايهة بين شمال ويمين ومش عارف الرصاصة حتجيلك منيين ولا أقولك بلاش الكمين، تعالا ورحل معايا مسجونيين وشوف الغدر في عينيهم ليك، ولا شوف شغلي فين لما يقولولك بينك وبين بيتك ألف ميل ولا أقف في إشارة مرور ولا روح اشتغل في السلوم ولا طول الليل احمي واحرص النايمين ولا اقولك بلاش كل ده تعالا البس الصديري اللي وزنة قد الواحد مرتين تعالا واسمع صرخة المظلومين وشوفني وانا بطارد المجرمين، وأخد رصاصة وصورة عيالي قدام عنيا في ثانيتين ياتري ياولادي مين هيرعاكم من بعدي مين؟ عايز تعرف أنا ابقي مين؟ بلاش أقولك أنا ابقا مين وتعالا عيشلك معايا يومين انا اللي البلد من غيري ما تمشي خطوتين انا اللي يحمي الصغير والكبير من الوزير للخفير حتي القاضي والمستشار من غيري مايعرف ياخد قرار .. غير السياحة والآثار.. ولا المطافي اللي بيموتو وسط النار لما تسمع صوت الانفجار وانت بتستخبي زي الفار ومتلاقيش في الشارع غيري.. أنا وتسمع تاني فيا الانفجار وهي دي حكايتي انا.. عرفت دلوقتي انا ابقي مين؟.