وجه الإعلامي محمد موسي مقدم برنامج خط أحمر المذاع عبر فضائية الحدث اليوم إنتقادات لدور الفنان محمد رمضان في مسلسل الأسطورة.

وقال موسي:"عايز أتكلم الحقيقة في موضوع مهم وخاص باللى بيعمله الممثل محمد رمضان من خلال أفلامه ومسلسلاته كل رمضان، الحقيقة إنه بيأسس لمفهوم البلطجة وفتوات الشوارع وبيخلى كل واحد بلطجى مالوش شغلة ولا شغلانة يعمل نفسه (أسطورة) ويحاول يقلده محمد رمضان فى المسلسل الجديد عايز يوصلنا انك لو بنى آدم محترم (زى ناصر المحامى) هتتاكل حاف فإية الحل؟ تتحول لبلطجى طبعاً".

وأضاف موسي: "محمد رمضان بعد ما قبض الملايين أجر المسلسل هيقفل على نفسه باب فيلته فى كومباوند محمى ومتأمن كويس وهيعيش وسط ناس متعلمة راقية لا تؤمن بثقافة الحوارى اللى بيقدمهالنا عـلي الشاشة.. لكن الناس هي اللى كل يوم هتتعرض فى الشوارع هما وأولادهم للبلطجية أصحاب السنج، الأبطال اللى صنعهم محمد رمضان مشكوراً فى أفلامه ومسلسلاته".

وحذر موسي قائلاً: "مصر أيها السادة تقبل على مستقبل مظلم مخيف بسبب هذا المستوي الردئ من الدراما وبعدين بسأل هل كل شئ بيعدي علي الرقابة بتجيزه حتي لو ضد مصلحة المجتمع عايزين إجابة من أهل الإجابة".