تعد صناعة النحاس من أقدم الحرف والأعمال اليدوية على مر التاريخ المصري، وتتركز بشارع النحاسين بمصر القديمة، حيث أنه أحد أبرز معالم شارع المعز لصناعة النحاس، وتتحدى الكثير من التطورات التي تحيطها من كافة المهن الأخرى حتى تبقى ولا تكون ذكري في كتب التاريخ التي لا يقرأها إلا محببين التاريخ.

وفي لقاء بين عدسة "المواطن"، و "حسن" أحد عمالقة الصناعة اليدوية بشارع المعز، تحدث عن بداية تعلمه لهذه الحرفة، وأسعار المنتجات النحاسية.

بدايته في المهنة..
"بدأت أشتغل في الصاغة من سنه" 64" وأنا عندي7 سنين لأن البيت هنا في الجمالية، ولم اكتسب العمل من والدي وكان نجار قائلا: "ونزلت واشتغلت ودخلت سنه أولي إبتدائى وطلعت من تانية ومكملتش تعليمي".

مراحل شغله..
"حبيت الشغلانة لأن المعلمين كانوا بيخافوا علينا وبيحبونا أكتر من عيالهم فحبيتها وقريبه كمان من البيت، وبصنع خواتم وسلاسل وحلقان".

الأسعار..
وفيما يخص الأسعار، "كل حاجة ليها سعر ومافيش حاجة ليها سعر محدد على حسب الخامات والتصنيع والتشطيب، في خاتم في فص غالي أو العكس، وفى مثلا خاتم ب15 جنيه أو 12 بنزلة كورشة، أما البائعين بيبعوا زى ما يبيع ،عشان هو عنده استهلاك كهرباء ومياه، أنا ممكن يقف عليا ب"3 جنيه أو 5 جنيه".

النحاس مكلف صحيا..
"الشغلانه دى مكلفة صحيا عاوزه مجهود غير الفضة والذهب ومش مكلف علي الزبون بس بيتوقف علي التاجر اللي يبيع، ومهما هيتكلف هيكون بـ25 جنيه أو30 جنيه أخره، ولو فاصل معاك ينزل لـ"20 جنيه"، لأن بالنسبة لجرام الفضة هيأخدو بـ"40 جنيه"، وكمان بيأخد منى كمية وببيع خاتم فلازم يكسب فيه، ومش بيبع قطاعي بيبع جملة فقط".

النحاس مربح..
"مربح لأن أنا صنيعي عند نفسي بحكم سني مينفعش اشتغل عن حد، ولو روحت أشتغل عن حد هيدينى كام يعني "500جنيه" لا أنا اشتغل عند نفسي بدل ما أنا أروح عند حد يقولى أعمل ده ومتعملش ده".