وجه الرئيس عبدالفتاح السيسي، الشكر لكل القائمين على مشروع غليون وباقى المشروعات القومية، في كفرالشيخ، قائلًا: "بوجه كلامي لكل المصريين اللي انتو شايفينه واللي هنتكلم فيه خلال الفترة القادمة خطوة على طريق، ده مش كل الطريق ولا ده هو المستهدف ولا ده الأمل".

وأضاف الرئيس السيسي فى كلمته خلال افتتاح عدد من المشروعات التنموية، بمحافظة كفر الشيخ، قائلا: "المشوار اللى قدامنا طويل ومتأخرين فيه كتير، لأسباب كتير، ومحتاجين نتحرك بوعى وهمة وإخلاص وأمانة أكتر من كده بكتير

وتابع الرئيس تعليقا على أزمة سد النهضة، قائلا: "مية مصر موضوع مافيش فيه كلام، وأنا بطمنكوا ماحدش يقدر يمس مية مصر".

وأضاف الرئيس: "اتكلمنا مع أشقائنا فى أثيوبيا والسودان على 3 عناصر، منها عنصر عدم المساس بالمياه، وبنقول إن إحنا متفهمين للتنمية، لكن قدام التنمية دى مية حياة أو موت لشعب، وميه ربنا اللى خلقها ما حدش تانى عملها، بقالها آلاف السنين أنا عاوز اطمنكوا، وانتوا بتقولوا إن المساس بالمية خطر، طيب ما اللى زرع زراعة أرز أزيد من المطلوب ده تجاوز فى حق مية مصر وصالح شعب مصر".

وقال الرئيس السيسى: "تحدثت منذ عامين وأكثر وقلت أننا بحاجة للتحرك كدولة بشكل موازى مع آليات السوق الحرة الموجودة فى مصر، لتخفيف ما أمكن من التكلفة التى يتحملها المصريين، وخاصة محدودى الدخل".

وأضاف السيسى "مشروع الاستزراع السمكى سينتج 25 ألف طن، لكن اللى بيتعمل فيه حاجات متكاملة مع بعضها وليس على قدر المزرعة دى فقط، فقد افتتحنا أكثر من ألف حوض على الضفة الشرقية لقناة السويس، وفى المرحلة الثانية بهذه المنطقة سنستكمل 4 آلاف حوض أسماك، وفى ديسمبر المقبل سنفتح هذه الأحواض، وبالتالى فى شرق قناة السويس سنكون انتهينا من 4 آلاف حوض إضافى، كما نعمل على إنشاء مزرعة عملاقة شرق بورسعيد على 19 ألف فدان، وإحنا مش بنتكلم عن أى مشروع لم يتم افتتاحه، لكننا انهينا حجم ضخم من هذه المزرعة، ووعدتكم فى 30 ويونيو 2018 لازم أكون خلصت اللى وعدتكم بيه ومنها مزرعة شرق بورسعيد وبركة غليون ومزارع هيئة قناة السويس، بالإضافة للبحيرات ".

وأوضح إن "هناك فجوة موجودة وقدرات أهدرت وساءت مننا على مدار السنوات الماضية، فمثلاً بحيرة المنزلة من عدة بحيرات موجودة فى مصر وعبارة عن بحيرات مغلقة لإنتاج الأسماك إنتاج طبيعى، ولكن الصيد الجائر والتعدى على هذه البحيرات وإلقاء مخلفات الصرف الصحى والصناعى والزراعى عليها أدى لأن فقدنا القدرة الحقيقية على الاستفادة من هذه المزارع".

ورد الرئيس عبد الفتاح السيسى، على مناشدة أحد المواطنين حول ملف غرامات الفلاحين والمزارعين، قائلاً :"الفلاحين والمزارعين أهلى وناسى، بس لازم تعرفوا أن الأوطان لا تبنني بالخواطر بل بالالتزام والانضباط".

وكان أحد الحضور قد ناشد الرئيس عبدالفتاح السيسي، بالعفو عن فلاحى كفر الشيخ من غرامات الرى، وغرامات زراعة الأرز لهذا العام، بمناسبة المولد النبوى الشريف، قائلا:"أنت تعفو عن بعض المساكين من شبابنا".

وأضاف الرئيس:"انتوا تاخدوا منى الطيب والطيب لأنى معنديش غير الطيب اديه ليكم.. بس انتوا بقالكم أسبوع بتتكلموا عن سد النهضة وبتقولوا المياه رايحه فين.. طيب هو إحنا ضد إن المزارع يزرع رز فى مصر..ولا ننظم حجم المياه المخصصة للزراعة عشان تكفينا".