وجه الرئيس عبدالفتاح السيسي، منذ قليل، الشكر والتقدير لهيئة قناة السويس على الجهد الكبير الذى بذله العاملون بالهيئة خلال الأيام والأسابيع الماضية، مشيرا إلى أن ما حدث من حفر الأنفاق تطور كبير.

وقال الرئيس خلال افتتاحه عدد من المشروعات التنموية بمدن القناة: "حدثت تطورات كتير، وحسيت إنه الناس قلقت شوية.. لا يمكن يكون فيه قلق يا مصريين والكلام ده كلام مبانتكلمش كتير، احنا ماشين بفضل الله وخطى جيدة وقلتلكم إن مش هانبيع الوهم ليكم، وهانكون مخلصين معاكم، واللى نقدر نعمله بفضل الله هانعمله واللى مانقدرش هانقول مانقدرش، احنا ماشين كويس بالفعل".

وأكمل: "هانقدم اللى تم تنفيذه واللى هايستكمل حتى 30 يونيو وما بعدها، وهاتشوفه حجم العمل اللى عمله شعب مصر.. حاجة عظيمة وتشرف ، إحنا بنتفرج ونفتتح أنفاق قناة السويس، كان من المخطط تنفيذ حفر أنفاق القناة فى 12 سنة، بواقع كل نفق 4 سنوات، احنا بدأنا فى التعاقد على مايكنات الحفر فى نوفمبر 2015، وبدأنا الشغل فى 2016، يعنى سنة أو سنة ونصف، مضيفا: "30 يونيو 2018 سنعبر من الأنفاق الأربع إلى سيناء، وهذا تحدى".

وأضاف: "بنقول بعد ما تام إنجازه وواقع بنشوفه اوعوا تتصورا إن اللى اتعمل فى الأنفاق عمل بسيط، 4 شركات مصرية نفذت الأنفاق بخبراء ومهندسين وعمال مصريين، اشترينا معدات من بره وارجو ان نتوقف أمام هذا الكلام لأنه ليس عملا بسيطًا، وتساءل: "إحنا عملنا نفق الشهيد أحمد حمدى فى كام سنة؟".