تداول مستخدمو مواقع التواصل الاجتماعى منشور ، روت فيه "هبة عثمان" تجربتها عن محاولة سرقة طفلها في أحد الأماكن الراقية، قائله "انا ابني كان هيتسرق مني من متسولة قاعده قدام مول شهير " بالتحديد قدام باب المول الرئيسي قدام الكبابجي، واحدة بتبيع بخور ولابسة سبح في الحصري في 6 اكتوبر ولما زعقت وجريت علي ابني وهو طفل كبير لقيتها بتتكلم على هي وخمسه غيرها وعايزة تتخانق والخمسه دول بيقربوا مني ومنهم سايس المكان، معه صفاره وبكرش وواحد تاني معاه كيس واتنين بنات شحتين ومعاهم اطفال في سن الرضاعه كده مش شبهم والله حسيت أنهم بيشتغلوني علشان السرقة.

واضافت "اعدت اصرخ فيهم واقول ابعدوا عني علشان اشد انتباه الناس وطبعا خدت عيالي وجريت والراجلين كملوا ورايا لفيت زعقت تاني فيهم لفوا ورجعوا".

وتابعت قائلة: "انا لحد دلوقتي مش قادرة افوق من الصدمة مش اول مرة تحصل لي في نفس المكان المرة اللي فاتت صديقه ليا دخلت تسلم عليا وانا ماشيه وكملت معايا وقالت ليا انا جيت لك علشان في واحده وواحد كانوا مشين وراكي ومستنينك تتلهي عن العيال، وبيشاوروا لبعض الست دي صاحبتي شاورت لي عليها عند الراجل بتاع الحواوشي اللي هناك فارشه هي وعيل يجي 18 سنه كده".
وأخيرا وجهت هبة تحذير لسكان مدينة 6 أكتوبر قائلة "انا بنبه سكان 6 اكتوبر خدوا بالكم عصابات وعارفين بعض وكتير ولادك عينيك عليهم جدا او متنزليش من البيت".