عمرو أديب بعد فوز الأهلي في الدقيقة 92: "حرام بقى"
الثلاثاء 30/يناير/2018 - 11:22 م
ندى محمد
طباعة
انهار الإعلامي عمرو أديب، مساء اليوم الثلاثاء، بعد علمه بفوز النادي الأهلي على الإسماعيلي، بهدف في الدقيقة 92، قائلاً: "لا أكيد بتهزروا، مش ممكن، يا نهار أبيض، حرام كدة".
وقال "أديب"، في برنامجه "كل يوم" المُذاع عبر فضائية "on e": "أنا كنت قاعد لسه بكتب "توتية" أقول أخيرا مرة تتغلبوا، هو فيه ايه، هو الأهلي على طول بيكسب كده!، يعني مافيش فايدة؟"، مستدركا: "ده ريال مادريد وبرشلونة بيتغلبوا، هو في ايه؟!".
وانفعل قائلا: "ليه كده، ليه، ده واضح ان مافيش أمل، الجون جيه في الدقيقة 92، طب أنا قاعد بعمل ايه، وباجي اشتغل كل يوم ليه طالما ما فيش أمل".
