وبالطبع لم ينس الرئيس السيسي ملف التعليم، فأكد الرئيس عبد الفتاح السيسي إن مصر لن تسمح بفتح أي جامعة تقدّم تعليما متواضعا، مطالبا بتدشين صرح تعليمى جديد علي طراز عالمى.

وأوضح السيسي خطته للتعليم بقوله: "سننشئ 50 جامعة مطابقة للمواصفات العالمية تُدخلنا التصنيف العالمي للجامعات".

سبب حادث القطارين على لسان السيسي

وبعيدًا عن الحدث واحتفالية تدشين مدينة العلمين الجديدة، شرح الرئيس السيسي سبب حادث قطاري البحيرة أمس الأربعاء، قائلًا: "قطار البضاعة وقف والقطار اللي كان فيه الركاب تحرك، الجرار الأول عدى والتاني عدى لكن التحويلة اتفتحت على الجرار التالت، فـنص العربية بقى في المسار الطبيعي، والنص التاني اصطدم بقطار البضاعة".

واستطرد الرئيس "القطار وقف طبقًا لنظام التشغيل، وإذا كنت بقول كلام مش مظبوط السيد وزير النقل يردني، القطار بتاع البضاعة وقف، ده خط مفرد بتتعمل عليه تحويلات لتسهيل الحركة، قطر الركاب لما اتفتحله التحويلة عشان يعدي عدى الجرار الأول والمقطورة التانية أما المقطورة التالتة والرابعة اتفتح عليها ونص القطار اتحرك في الاتجاه السليم والنص التاني اصطدم".

وطالب الرئيس بضرورة تشكيل لجنة عُليا من أساتذة الجامعات والكلية الفنية العسكرية ووزارة النقل تمر على الشبكة كلها وعلى الجرارات الموجودة بالكامل، حتى لو أضطر الأمر لايقاف خطوط القطارات بمصر لمدة 3 سنوات.

وردًا علي الاتهامات الموجهة للحكومة رد قائلا: "الناس ممكن تقول انتوا سايبين السكة الحديد خربانة وبتعملوا مدن جديدة ليه.. لا مدينة العلمين الجديدة اللي هيقعد فيها هيدفع، لكن السكة الحديد محتاجة 250 مليار جنيه لتطويرها".

خيانة عظمى !

وعند الحديث عن الجيش تجهم الرئيس السيسي وحذر بلهجة جادة كل من يسييء للجيش والشرطة معتبرا إيها إساءة لكل المصريين، وليست حرية رأي، قائلا: "أنا مش هحاسبك على وجهة نظرك، لكن لا تجعلها صيغة إساءة للمصريين".

وتابع: "محدش هيسيء للشرطة والجيش وأنا موجود هنا، والله العظيم أنا بس اللي أعرف الجيش عمل إيه في السبع سنوات الماضية، والإساءة لهم بتساوى عندى دلوقتى خيانة عظمى".

السيسي للجمعيات الخيرية

طالب الرئيس السيسي خلال افتتاحه لمشروعات اليوم الجمعيات الخيرية بالاهتمام بالخدمة العلاجية للمواطنين على هامش أعمالهم الخيرية.

من جانبه قال السيسي للواء ممدوح شعبان، مدير جمعية الأورمان “أنا مستعد أديك مستشفيات جاهزة وخالصة أنت وكل الجمعيات اللي مستعدة أن تقوم بهذا الدور، وأنا ما زلت عند موقفي. إحنا بمنتهى الصراحة إدارتنا لكل المستشفيات بالكامل لم تصل للمستوى الذي ترضون عنه، فاللي يقدر ياخد مستشفى أو اتنين من مستشفيات الدولة يديرها بتبرعات المصريين اللي بتثق فيكم".

توصيل خدمات الغاز

وخلال الحفل وجه الرئيس السيسي سؤالا عن سبب تأخير تنفيذ خدمة الغاز لآخر عام 2019، موجها حديثه للواء علاء أبوزيد محافظ مطروح: "يا علاء ارجع للغاز كده.. ليه هنخلصه آخر السنة، هل توصيل الغاز يحتاج مننا الوقت ده كله"، فقاطعه "أبوزيد": "الشركة اللي بتنفذ ياريس حددت المعاد ده"، فاستكمل السيسي: "إنت المحافظ.. إنت معاهم لازم الخدمة توصل للناس عشان تريحهم وتوفر عليهم تعب، فإنت تضغط عليهم في الشركة وتشجعهم لازم تخلص قبل نهاية 2018".

ورد أبوزيد بالاستجابة لتوجيهات الرئيس السيسي، مرددا: "حاضر ياريس هنفذ".