قامت سيدة "نانسي أسامة"، بإجراء مداخلة هاتفية لبرنامج "العاشرة مساء"، والذي يقدمه وائل الإبراشي، بعرض مشكلة تخص المدارس الألمانية في مصر.

وقالت ولي أمر لـ"الإبراشي"، "أنا بتكلم باسم 25 ألف ولي أمر طالب وطالبة بمدرسة ألمانية بالتجمع الأول، وهي من المدارس الجديدة ولسه فاتحه من 4 سنين وهم حاولوا يجذبوا أكبر عدد ممكن من أولياء الأمور بأنهم هيعملوا خصم 10 ألف جنيه من مصروفات المدرسة، وابني قعد في المدرسة حوالي 4 سنين من أول الحضانة وقولوا أن النظام الألماني لازم يعيد كي جي1 لأن لازم في سن معين يدخل كي جي 2،".

وأضافت ولي الأمر، قائلة: "وفجأة في شهر 4 اللي فات جات لينا جوابات فصل من المدرسة أن هم أسفين وأبني لا يصالح لتعليم الألماني، وهو مش معانا السنة الجاية في أولي ابتدائي حاولنا نتكلم معاهم وأسلوبهم وحش وبالأخص الألمان بعد ما اخدوا أخر قسط ليهم بعتوا جوابات الرفد وقولوا ان ده قرار نهائي، وأن هم عملوا ليهم امتحان من واحدة جاية من ألمانيا، وبعد فترة اكتشفنا أن علشان عدد هيئة التدريس مش كافي فاتخلصوا من العدد الزائد من الطلاب، وعاوزين يفتحوا فصل ثانوي فقفلوا فصل ابتدائي، وأحنا دلوقتي مشكلتنا ولادنا يروحو فينا هتضيع عليهم سنة".