السيسي في اسأل الرئيس: "قولتلكوا هتتعبوا معايا.. رديتوا متخافش ياريس خش"
189
أكد الرئيس عبد الفتاح السيسي، أنه صارح الشعب منذ البداية بوجود العديد من التحديات لن يستطيع حلها بمفرده، مضيفًا "رديتوا وقولتوا هتحلوها معايا، وقولتلكوا هتتعبوا معايا، قولتوا متخافش ياريس خش، إحنا مخدعناش بعض".
وتسأل الرئيس السيسي، خلال جلسة " اسأل الرئيس "، في ثاني أيام المؤتمر السادس للشباب، "هل إحنا مسارنا مسار تصاعدي في تطور الدولة المصرية ولا العكس".
وتابع الرئيس السيسي قائلًا "في 3/7 وبعدها بشهر ونص، اللي حصل في النهضة ورابعة، كان البلد كلها بيتم إشعالها، ومحاولة اغتيال وزير الداخلية والاعتداءات ومحاولة اغتيال وزير الداخلية، كل دة انتهى بينا لأن أبناء الجيش والشرطة ضحوا بحياتهم لكي يتحقق الأمن والاستقرار".
وأضاف الرئيس "أكبر تضحية ممكن يقدمها إنسان هو إنه يقدم إبنه أو أم تقدم إبنها، تفتكروا لما يروا إن التضحية اللي قدموها وإحنا متضايقين من الأسعار يقولوا إيه، الضحايا كتير والشهداء كتير، والشعب قدم كتير ليحصل على الأمن والاستقرار"، وتعالت أصوات أحد الحضور "كلنا فداك ياريس"، ورد الرئيس "مش فدايا أنا، أفدوها هي".
وقال الرئيس السيسي، إنه كان من الممكن أن يتم التركيز على الحرب ضد الإرهاب فقط، وسيكون مبرر للواقع الذي نعيشه، معلقًا "لكن إحنا معملناش كدة، قولنا هنشتغل على محور مواجهة الإرهاب، وباقي محاور الدولة.. وتحيا مصر بيكم كلكم".