والي نص القصيدة :

وأنا اللي عهدته وعاهدني اللي يموت فينا زميله يكمل المشوار.. يجيب حقه يصون عهده يعيش ويموت فدا أرضه
ويرويها بدمه الحر فتطرح أطهر الأشجار.

طلعت طابور بعساكري ووشي حزين.. العساكر طيبين غلبانين يوم ماتضحك في وشوشهم يبقوا من الفرح طايرين.

والنهاردة الوعي زاد والحزن آد أعلنوا هما الحداد نكسوا علم البلاد.

احنا برده المذبوحين.. انتباه.. انتباه.. انتباه كل العساكر إحنا مش بتوع حداد.. إحنا مش بتوع حداد.. إحنا نار أيده بعناد .

إحنا صخر مايتكسرش وكل هزة يزيد ثبات.. إحنا شايلين السلاح وأيدنا دايسة على الزناد.

ضد الخيانة والفساد.. ضد اللي ربا دقنه فجآة وعاش فى وهم وقال جهاد.

جهاد دي خالتك اللي بتبيع السبح علشان تعيش.. جهاد دي أمك اللي خلفتها طلعت كلب جاهل مايساويش .. جهاد حبيبتك خلاص دي متبرية منك أنت ذكرى خلاص مفيش.

واللي فضلك طلقة مني بعديها مش ممكن تعيش.. أوعاك تفكر بأني سهل وموت ولادي ده رخيص.

أوعاك تعيش دور منتصر دا شهدنا طالع للسما.. حيو عريس.. أوعاك تفكر بأنك أنت جهادي فعلا.. وتموت وتدخل جنة حدف.. دا أنت أسفل سافلين ويَّا إبليس الخسيس.

عدى علينا كتير في حالتك.. نفس الإجابة لو سألتك بيقولوا كله فدا وجهاد ومايعرفوش إن الحقيقة جهاد دي خالتك.. مين اللي قال إن الجهاد الدم فيه سهل ومباح.

دبح بسبب وبدون سبب.. خسة وغدر سداح مداح.. دا المصطفى سيدنا النبي مبعوث برحمه للعالمين .

ولا جه بسيف ولا بالسلاح.. وصي وقال افشوا السلام.. على الدم قال كله حرام.. اقتل وقول الله أكبر.. الله أكبر عندنا جوا القلوب مش بالكلام.. جهلك عماك والعقل عندك شيء مفيش.

بتقول كلام مالوش علاقة كله ببعضه مايساويش.. وأنا اللي جيلك بوعدك أنت ذكرى خلاص مفيش.

واللى فضلك طلقة مني.. والطلقة مني بعديها مش ممكن تعيش.

أنا الشهيد اللي جي احفظ بدلتي وهويتي وماتنسانيش.. أنا المقاتل العنيد.. جاهز أموت وتحيا مصر تقوم تعيش.

أنا اللى على أيدي نهايتك.. طعنك في ضهري ماهدنيش.. أوَّاني أكتر أنزف وأقول الله أكبر.. وتحيا مصر ما أنت ماتعرفش الوطن يعني ايه بالنسبة لمقاتلين في جيش.