تفاصيل أزمة أغنية النفسية لمحمد الشرنوبي
وكتب الشاعر أيمن بهجت قمر عبر صفحته الشخصية بموقع التواصل الاجتماعي" فيسبوك"  : التعليق الوحيد والأخير اللي هقوله بخصوص أغنية النفسيه بإختصار، انا الحمد لله مش محتاج بعد العمر ده اني اتخانق مع حد وادخل في نزاع على اخر الزمن على أغنيه ده شئ ما حصلش معايا في بداياتي فأكيد يعني مش المفروض إنه يحصل بعد ٢٧ سنه تعبت فيهم وبنيت إسم وسمعه الحمد لله مش هزكي نفسي".

وتابع: انا كتبت الأغنيه دي من حوالي ٣ سنين وعملناها انا ومحمد يحيى، لمحمد الشرنوبي من فتره طويله سنه ونص واكتر والكلام اترخص في الرقابه بإسمي في اول السنه اول مارس وكل شئ كان تمام لحد ما لقيت من كام يوم مطرب شاب والله والله عمري ما كلمته ولا اعرفه شخصيا ومش زي ما هو ماشي يقول المهم لما لقيت الاسم والفكره والمحتوى كله متشابه من البرومو ولقيت لوجو صوت الدلتا قلت بلاش اعمل بلبله للولد مع الشركه كلمت ملحن شاب صاحبه انا أعرفه وبلغته ان فيه اغنيه لمحمد الشرنوبي".

وأضاف: وكده حرام وخصوصا ان صاحبه قاللي فعلا احنا عرفنا من وقت مهرجان الجونه ان فيه اغنيه معموله شبهها قلت له طيب الاغنيه دي بفكرتها متسجله بإسمي في المصنفات الفنيه يبقى الحل نعمل زي الناس المحترمين يا تغيروا الكلام يا نلجأ لجهه تحكم بيني وبينهم وهي جهاز الرقابه على المصنفات الفنيه الملحن بلغني انه مش عارف يحل ومش طرف في الموضوع عكس اللي عرفته بعد كده طبعا..المهم قلت له كده انا هضطر أكلم حد في صوت الدلتا وفعلا كلمت الأستاذ حماده اسماعيل والراجل مشكورا رفع البوستات والبروموهات لإن مش منطقي أسيب فكرتي مشاع وتتحرق ولما تنزل يقولوا اني واخدها من حد تاني وعشان المطرب الشاب ما يتظلمش ويدفع تمن النزاع قلت لحماده اسماعيل وهو موجود يقدر يشهد على كلامي برغم اني مش ملزم بالمره اني مستعد اهدي الولد اغنيه ".