عرض برنامج " المطبخ"، اليوم الأربعاء الموافق 24 أكتوبر، الذي تقدمه الشيف أسماء مسلم، طريقة عمل طاجن مكرونة بالكبدة، بطريقة سهلة وبسيط وهو كالاتي:

مقادير طاجن مكرونة بالكبدة:

نصف كيلو مكرونه مرمرية نصف كيلو كبدة اسكندراني
3 فص ثوم فلفل احمر حامي رومي مفروم

ملح فلفل اسود 2 ملعقة كبيرة صلصة كمون

3 ملعقة كبيرة زيت بصلة مفرومة

كوب عصير طماطم 2 ثمرة طماطم مكعبات صغيرة 2 معلقة كبيرة خل

طريقة تحضير طاجن مكرونة بالكبدة:

قومي بسلق المكرونة نصف سلقة بس ونصفيها

ثم قومي بعمل صلصة المكرونة: نحط البصلة المبشورة في ملعقة زيت ساخن ونقلب شوية ونحط الثوم ونقلب لحد ما يصفروا

بعدين نحط عليهم عصير الطماطم ومعجون الطماطم وباقي مكونات الصلصة والتوابل ونسيبها تغلي لحد ما تتقل شوية مش كتير

ناخذ ملعقتين من الصلصة نركنه على جنب

نحط المكرونة في الصلصة تغلي معاها شوية وقبل ما تستوي نطفى النار

الكبدة: نحط البصلة في زيت ساخن ونصفرها وفوقها نحط الفلفل والثوم وقلب لحد ما يذبلوا شوية وبعدين نحط الكبدة وعليها باقي مكوناتها والتوابل ونسيبها تستوي

في طاجن بايركس نحط معلقتين الصلصه اللي تركناه على جنب وفوقهم الكبدة في ارضية الطاجن وفوقها نحط المكرونة بالصلصة وتغطى بورق فويل ونقفلها كويس جدا ونحطها في الفرن لحد ما تستوى