قالت الطفلة المصرية ريم أشرف صاحبة الـ 14 عامًا، ومحطمة الرقم القياسي لبطلة العالم الأسترالية برياضة الغطس، وذلك ببقائها 55 ساعة تحت الماء، أن والدها هو من شجعها على الغطس، لافتة إلى أن أسرتها نقلت إقامتها إلى شرم الشيخ لكى تتمكن من التدريب على تحطيم الرقم القياسيى.

وأضافت ريم أشرف": "كنت الاول بغطس بالبدلة العادية.. وبعدين استخدمت البدلة الجافة اللي مَش بتحسسني بالبرد وغطست بيها 36 ساعة"، متابعة: " كنت بتغلب على الملل خلال الغطس بإني أشوف أفلام على تابلت".

وأشارت: " كان فيه جدول بمشي عليه فيه قراءة ولعب شطرنج ورسم.. وبالنسبة للاكل كان فواكه فريش تضرب في الخلاط واشربها عصير"، متابعة: "كنّا قاعدين في المركب قام بابا راميني في المية عشان ابطل خوف من البحر".

وأوضحت: "لما كسرت الرقم القياسي الأخير للغطس لقيت كل اللي حواليا بيحتفلوا ويطبلوا وساعتها انا كنت نايمة وكان فاضلي 3 ساعات على الـ 55 ساعة".