فيديو.. سائق تاكسي يروي تفاصيل إنقاذ طفلة من الخطف

عرض الإعلامي وائل الإبراشي، مساء أمس الثلاثاء الموافق 1 يناير 2018، قصة سائق التاكسي أنقذ طفلة من الخطف في محافظة الإسماعيلية وذلك خلال حلقة برنامج كل يوم المذاع على فضائية on E.

وقال سائق التاكسي محمود سيد خلال مداخلة هاتفية في البرنامج : يوم الجمعة الظهر شاور ليا شكل كان شكله مريب ومعاه بنت جميلة جدًا وحط أيده على رأسها من فوق، ركب معايا وقالى ودينى الموقف الجديد هو كان قاعد قدام والبنت كانت قاعده وراه وهو كان مهدد البنت بقطر من قدام بيتها هو أخذها من هناك ".

وأضاف: البنت كان بترعش من الخوف بقوله هى البنت تعبانه قالى لا دى مش بتتكلم، وفي الطريق بتكلم معاه بقوله أوعى تصدمني وتقولى أنها بنتك لأنها جميلة وأنت أسمراني، رد عليا قالى دى بنت المهندس اللي في العمارة اللى شغال فيها بواب بوديها واجيبها ب 2000 في الشهر، ولم وصلنا قولته أنت شغال في أى عمارة بقي راح شاورلي على أي عماره من غير ما يبص وقتها حسيت أنه كاذب، فضلت واقف أبص عليه من بعيد لقيته مدخلش أى عماره ودخل بالبنت الموقف ومشيت وراه بالعربية، و دخل جنينة ركنت العربية ودخلت وراه وقولته تعالى يلا راح ضرب البنت وجري وجريت وراه لحد ما مسكته ".

اقرأ أيضا: فيديو.. مكوجى فاقد البصر: نفسي اتعالج وأشوف والدتي ومراتي