ممثل ستاند اب كوميدي يدون شهادته عن حملة اعتقالات الأمس
الجمعة 22/أبريل/2016 - 01:24 م
كتبت سلمى بدر
طباعة
كتب علي قنديل ممثل وستاند اب كوميدي شهادته عن حملة الاعتقال التي قامت بها قوات بلبس مدني علي قهوة غزال في وسط البلد، “ قاعدين على القهوة بشكل طبيعي “ومعتاد” لقينا عربية ترحيلات زرقا كبيرة وقفت وقدامها عدد 2 ميكروباص أبيض وعدد من المواطنين باللبس المدني العادي (مفيش زي رسمي أو رتبة واحدة في الأحداث كلها)”.
واستكمل “قنديل”، في تدوينة له عبر حسابه الشخصي علي موقع التواصل الإجتماعي، “فيس بوك”، “انتبهت في الأول لوجودهم لكن متمعنتش اوي لإن الشارع ضيق وبيحصل عادي إنه يقف ويمشي تاني لو حد بيركن ولا حاجة.. دخل مجموعة المواطنين دول في ممر القهوة وفجأة شوفناهم محاوطين شباب وخدوا منهم 3 شباب.. وبدأوا يينتشروا في الممر وياخدوا عدد من الشباب بشكل غير محدد هل هو عشوائي ولا ممنهج”.
وأضاف “ورغم المحاولات المستميتة “والمهذبة” من المحامي الحقوقي #محمود_بلال و #سامح_سمير إلا إن رجال الأمن رفضوا بحسم وصرامة إبداء أي أسباب أو معلومات عن سبب اعتقال الشباب أو فين هيتم احتجازهم بل إن ردودهم خدت منحنى يقلق خاصة مع ارتفاع صوت أحد رجال الأمن (اللي لابس مدني) ولهجته العنيفة وهو بيهدد بلال: “إقعد مكانك وإبقى إسأل عليهم بعدين”.
وتابع، “وفي خلال أقل من دقيقتين كانوا خدوا حوالي 5 شباب شكلهم نضيف ومحترم جدا مش شمال يعني ولا مريب.. لكني بأكد إني معرفهومش.. المريب إن رجال الأمن دول كان فيهم واحد شبه ملتحي، دقنه طويلة لكن مش سلفي يعني.. دقنه أتقل من الديرتي 3 او 4 درجات مثلا!”.
واستكمل “قنديل” شهادته “جالي الشخص ده (أثناء لم بطايق الناس اللي قاعدين) وسألني:
● انت بتشتغل إيه؟
– ممثل
● طب انت هتخوفني؟؟ بطاقتك!!
– انت بتسألني بشتغل إيه ورديت!
● طب بطاقتك!!
– اوك ممكن أجيبها من الموتوسيكل؟
● هاتها..
خدت المفتاح وقمت أجيبها لقيت حد من مساعدينه بيوشوشه وبيبص لي ويضحك
فنده عليا وقالي: خلاص خلاص
قعدت مكاني لحد م حصل أغرب حاجة في الموقف كله.. !!!!
فرد الأمن اللي كان بيزعق، ماسك في إيده البطايق بتاعة الناس باصص في البطايق ونده
■ فين #باسم_شرف؟؟
باسم شرف رد وقاله: أنا
■ تعال!”.
واختتم الممثل الشاب “وخدوا باسم شرف على الميكروباص، باسم بقى أنا أعرفه.. (كاتب وإعلامي) وخدوا معاه #سامح_حنين المعد بقناة cbc.. أفراد الأمن بعد م قالوا لمحمود بلال ناخد اللي احنا عايزينهم ونفهمك.. خدوا بعضهم والمعتقلين ومشيوا بالترحيلات والميكروباصين!!!”.. “ ده اللي حصل قدام عينيا، في حضور الشاعر والصحفي مصطفى علي، و الباحث الأنثربولوجي خليل منون”.
واستكمل “قنديل”، في تدوينة له عبر حسابه الشخصي علي موقع التواصل الإجتماعي، “فيس بوك”، “انتبهت في الأول لوجودهم لكن متمعنتش اوي لإن الشارع ضيق وبيحصل عادي إنه يقف ويمشي تاني لو حد بيركن ولا حاجة.. دخل مجموعة المواطنين دول في ممر القهوة وفجأة شوفناهم محاوطين شباب وخدوا منهم 3 شباب.. وبدأوا يينتشروا في الممر وياخدوا عدد من الشباب بشكل غير محدد هل هو عشوائي ولا ممنهج”.
وأضاف “ورغم المحاولات المستميتة “والمهذبة” من المحامي الحقوقي #محمود_بلال و #سامح_سمير إلا إن رجال الأمن رفضوا بحسم وصرامة إبداء أي أسباب أو معلومات عن سبب اعتقال الشباب أو فين هيتم احتجازهم بل إن ردودهم خدت منحنى يقلق خاصة مع ارتفاع صوت أحد رجال الأمن (اللي لابس مدني) ولهجته العنيفة وهو بيهدد بلال: “إقعد مكانك وإبقى إسأل عليهم بعدين”.
وتابع، “وفي خلال أقل من دقيقتين كانوا خدوا حوالي 5 شباب شكلهم نضيف ومحترم جدا مش شمال يعني ولا مريب.. لكني بأكد إني معرفهومش.. المريب إن رجال الأمن دول كان فيهم واحد شبه ملتحي، دقنه طويلة لكن مش سلفي يعني.. دقنه أتقل من الديرتي 3 او 4 درجات مثلا!”.
واستكمل “قنديل” شهادته “جالي الشخص ده (أثناء لم بطايق الناس اللي قاعدين) وسألني:
● انت بتشتغل إيه؟
– ممثل
● طب انت هتخوفني؟؟ بطاقتك!!
– انت بتسألني بشتغل إيه ورديت!
● طب بطاقتك!!
– اوك ممكن أجيبها من الموتوسيكل؟
● هاتها..
خدت المفتاح وقمت أجيبها لقيت حد من مساعدينه بيوشوشه وبيبص لي ويضحك
فنده عليا وقالي: خلاص خلاص
قعدت مكاني لحد م حصل أغرب حاجة في الموقف كله.. !!!!
فرد الأمن اللي كان بيزعق، ماسك في إيده البطايق بتاعة الناس باصص في البطايق ونده
■ فين #باسم_شرف؟؟
باسم شرف رد وقاله: أنا
■ تعال!”.
واختتم الممثل الشاب “وخدوا باسم شرف على الميكروباص، باسم بقى أنا أعرفه.. (كاتب وإعلامي) وخدوا معاه #سامح_حنين المعد بقناة cbc.. أفراد الأمن بعد م قالوا لمحمود بلال ناخد اللي احنا عايزينهم ونفهمك.. خدوا بعضهم والمعتقلين ومشيوا بالترحيلات والميكروباصين!!!”.. “ ده اللي حصل قدام عينيا، في حضور الشاعر والصحفي مصطفى علي، و الباحث الأنثربولوجي خليل منون”.
