- أني ما نعرفش نقول كلام حلو، الكلام الحلو بيقولوه في السيما
= ااه، وعرفتي السيما كمان ! رُحتيها
- رُحتها، البت اللي في السيما قالت للواد اللي بتحبه " يا ريتني حتة منك عايزة أكون جوة قلبك وروحك " كلام فارغ لكن لذيذ،
رجب انت ليه بتزعل قوام كدة ؟
= أفعال الناس بتزعل، الناس البطالين
- أهو انت كدة، الواحد يكلمك كلمة يا تتخانق يا تقلبها تريقة
= التانيين بيتكلموا إزاي ؟
- شعرفني ؟
= لا قولي
- انا عارفة ! أهو حب
= والله وكبرتي وعرفتي الحب !
- زي كل الناس
= وبتحبي ؟
- زي كل الناس
= أقولك أني مين ومن إمتى ؟
- من زمان من غير ما حد يعرف
= أي والله !
- ولا حد حاسس بية زي ما يكونش لية قلب !
= ومن إمتى الكلام دة ؟
- انا كمان لية قلب، صحيح مش باين عليَّ لكن يامة قلبي وجعني
= سنة، سنتين، تلاتة ؟ تمام تلاتة وانا غايب
- حتى قبل كدة كنا كل ما نفكر قلبي يدُق طاخ طاخ ! مش خبط وِحِش خبط كدة يدَوخ !

اقرأ أيضًا| امرأة في مشهد | اختي هنادي التراب اللي تواها كان احن عليها منك