امرأة في مشهد اليوم من فيلم للحُب قصة أخيرة وجاء نص المشهد كالآتي:

قوليله يا ست هانم، هو حبيبك وراح يسمع كلامك، قوليله إن عائشة تعبت، ومعادتش زي الأول، ولو كان كل ده اختبار من عند الله، فـ زي ما المشايخ بيقولولنا خليه يتشفعلي عند الرسول.. خليه يقول للرسول إن الإمتحان طال يا بنتي وإن المرض هدني..

خصيمك النبي قوليله إن الإمتحان طال على عائشة، وإني ساعات بلاقي نفسي بقول كلام اتحاسب عليه، عبدة وبتغلط.. لكن الحنية حلوة برضه وربنا حنين والتلاوي عارف كدا، والرسول قال كدا، والمشايخ بتقول لينا إن ده جِه في القرآن..

وأنا غلبانة يا تلاوي، وإن مكنتش عارف فربنا عارف، جوزوني وأنا صُغيرة عَيله مطلعليش لحم ولا جالي حيضّ، وجبت من العيال خمستاشر أه خمستاشر ! عيالي راحوا كُلهم، الي النيل خدَه والي الحَرب اخدَته حتي البحر.. مرة رحت أتفرج عليه خَد واحد.. والمستشفى خَدت ٣، ح اعد إيه ولا إيه..

مَلكش دعوة أنت يا تَلاوي، وقولي.. هو الي خلانا هنا، ومخلي الوراق كلها زرع وخُضرة.. بس دول لأصحابه.. قوله إن دول لأصحابه.. إحنا غلابة مبنخُدش من الأوراق إلا المرض وطوفان النيل.. والموت.. الموت الي مبيخدش غير الصغار ولما نكبر ونعجز ونقول يا موت ميجلناش !! هو عَندّ !! مش بَقولك ساعات بغلط..

اقرأ أيضًا| امرأة في مشهد | أنا شخصيا ما بتزوقش إلا عشان الراجل فقط لا غير