نوستالجيا صباحية، ابدأ معها يومك بنشاط وحيوية وحب وتفاؤل وافتح باب الأمل، وانسى كل همومك واسترجع ذكريات الزمن الجميل.

نوستالجيا صباحية
وترشح بوابة المواطن الإخبارية، اليوم الثلاثاء، لمتابعيها في نوستالجيا صباحية أغنية سيرة الحب لكوكب الشرق أم كلثوم.

وجاءت كلمات أغنية "سيرة الحب" التي نقدمها في نوستالجيا صباحية، كالتالي:

طول عمرى باخاف من الحب وسيرة الحب وظلم الحب لكل أصحابه
وأعرف حكايات مليانه آهات ودموع وأنين والعاشقين دابوا ما تابوا
طول عمرى بأقول لا أنا قد الشوق وليالى الشوق ولا قلبى قد عذابه
وقابلتك انت لقيتك بتغير كل حياتى
ما أعرفش إزاي انا حبيتك ما أعرفش إزاى ياحياتى
من همسة حب لقيتنى باحب وأدوب فى الحب وصبح وليل على بابه
****
فات من عمرى سنين وسنين شفت كتير وقليل عاشقين
اللى بيشكى حاله لحاله واللى بيبكى على مواله
أهل الحب صحيح مساكين
ياما الحب نده على قلبى ما ردش قلبى جواب
ياما الشوق حاول يحايلنى واقول له روح يا عذاب
ياما عيون شاغلونى لكن ولا شغلونى
إلا عيونك انت دول بس اللى خدونى وبحبك أمرونى
أمرونى احب لقيتنى باحب وأدوب فى الحب وصبح وليل على بابه
ياللى ظلمتوا الحب وقلتوا وعدتوا عليه قلتوا عليه مش عارف إيه
العيب فيكم يا فى حبايبكم أما الحب ياروحى عليه.