ايوة العنوان صحيح
ايوة نظارة
كل البشر محتاجين نظارات
بس مش نظارة نظر
مش عشان نعرف نشوف
بس عقلى محتاج نظر
محتاج يفهم الحياة
محتاج لعقلك نظارة
عشان تعرف تقيس كل الكلام
علشان تعرف تقيم الحياة
بنظرة صح مش هزار
ونظارة تانى لكل قلب
قلب مغشوش بالحياة
قلب فاكر نفسة حاسس
بكل حاجه وبغباء ناسي
ان ياما ناس كتير حست حاجات
فى الحياة كانت غلط

قبل البداية وقبل ما نبداء فى الكلام .. كام مرة حكمت على حد واكتشفت ان حكمك غلط
كتير مش كده, بس ثانية كام مره اعترفت على الملاء إن حكمك فيه كان غلط
ليه بنبداء نقول اننا صح فى كل حاجه لكن عدونا الاعتراف بالغلط

كام بنت عرفتها فى حياتك وفضلت تتخيل وتقول عليها كلام ومع الايام عرفت انك كنت غلطان فى حقها ... مع انك مفكرتش مره تروح تعترف بغلطك ده
اهو ده حال حياتنا محتاجين نظارة علشان نعرف نشوف ونظارة علشان نعرف نفكر ونظارة تانى عشان نحس

قال لها انتى حمل تقيل عليا احنا لازم نفترق انا مبقتش قادر على احتمال الحياة معاكى .. فضلت تعيط وتلوم نفسها انها ضغطت عليه .. مكانتش تعرف انه مل وشاف غيرها
قلبها نظرة ضعيف ومحتاج نظارة

أتصل بيها وقال لها انا بحب واحدة تانى ولازم ابعد عنك .. وقفل فى وشها فضلت تفكر هو مع انى بنت جديدة دلوقتى .. ماكنتش تعرف ان السرطان بياكل فى جسمة ومش هيقدر يشوف نفسه بيموت فى عنيها كل يوم
عقلها نظرة ضعيف محتاج نظارة

ياراجل ما تخليك معانا، واشتغل هنا أو خدنى انا والعيال معاك الخليج وخلينا نعيش مع بعض -- ليه يا ولية ما انا كل شهر ببعتلك الى يكفيكى انتى وعيالك وزيادة
غبى ميعرفش انها هى وعيالها مش طايقين الرجالة الى بتنهش فى جسمها كله يوم
عقله نظرة ضعيف محتاج نظارة

العلم تمكن بقوتة وعبقريتة انه يخترع نظارات تخلى نظرنا 6\6 لكن لحد دلوقتى مقدرش يبتكر نظارات لعقلنا وقلبنا
لكن الحقيقة ان جوه كل واحد مننا نظارة وهى ربط العقل بالقلب بشكل صحيح

لما تتحط فى اى موقف متحطش نفسك مكانك
اخرج وبص على الصورة من بره فكر وحس فى وقت واحد وقتها بس هتشوف الصورة اكبر واوضح واكثر دقة
وقتها بس هتقدر تاخد القرار الصحيح لانك هتكون شايف الموقف 6\6

متحكمش على حد متعرفهوش علشان لما تعرفة هيكون حكمك السابق دمر المستقبل
اتعرف واحكم متأمنش بس متخونش خليك حياتى
لوم وعاتب حب واضحك متخبيش مشاعرك قلبك نظرة قوى بس خوفك بيضعفة
لا تؤجل عمل اليوم الى الغد
ولا تؤجل مشاعر اليوم دقيقة اضافيه فقد تخسر كثيرا حينها
كم من عشاق خافا ان يبوحا بحبهم وانتهى بهم المطاف فى حياة مع اخرون منفصلين لانهم لم يصرحها بمداخلهم

خلاصة الكلام والنهاية
بص على اى حاجه بنظرة اشمل واكبر ومتتسرعش
متحكمش على حد قبل ما تعرفة صح
سيب مشاعرك وصرح بيها فى وقتها ومستناش
لما تكتشف انك غلط اعترف انك غلطان مش هتخسر بالعكس هتكسب احترام الناس

زى ما نفسك نظرك يكون 6\6 خلى عقلك وقلبك نظرهم للحياة 6\6
اضحك ومتستناش حد يضحكك
افرح ومتسناش ايد تيجى تزغزغك