نوستالجيا صباحية، ابدأ يومك بالإشراق والتفاؤل وتساعدك على الإسترخاء، فهي تجعلك تسترجع ذكريات زمن الفن الجميل وتنسيك همومك.

وترشح لكم بوابة المواطن الإخبارية اليوم الأحد، لمتابعيها في نوستالجيا صباحية أغنية مخاصمني بقاله مدة على صوت الدلوعة شادية

مخاصمنى بقاله مده وف ليله الشوق نادانى

كلمته سمعت حسه وقفلت السكه تاني

اكمنه يا ناس واحشني وخصامه كمان حايشني

كلمته سمعت حسه وقفلت السكه تاني

باليل والدنيا ضلمه دورت نمرته

وسكت ما قلت كلمه وانا باسمع همسته

قال أيوه الو?..مين ؟؟؟وانا بايدي اليمين

خدت السماعه ابوسها وقفلت السكه تاني

وفتحت الراديو مره على غنوه بتعجبه

سبت التليفون عليها وانا بقصد اغلبه

سمعها للنهايه وفرحت انه معايا

من غير ما هو يعرف وقفلت السكه تاني

اكمنه ياناس واحشني وخصامه كمان واحشني

وف مره جم صحابي خليتهم يطلبوه

وغمزت لهم بعيني يعني عني اسألوه

سألوه قام قال كلام مافيهوش سيرة الخصام

اطمن قلبي حبة وقفلنا السكة تاني

شايفين يا ناس عشانه انا دايما باعمل ايه

اطلبه واشمعنى هوه ما طلبش مره ليه

ياريت يطلب ويقفل يعمل زي ما باعمل

اعرف انه فاكرني لو قفل السكه تاني

اكمنه يا ناس واحشني وخصامه كمان حايشني

كلمته سمعت حسه وقفلت السكه تاني

أغنية مخاصمني بقاله مدة كلمات عبد الوهاب محمد، ومن ألحان محمد الموجي وتعبر عن العذوبة والحب في الزمن الجميل وعن إشتياق المحبوبة لحلبيها وقت الخصام، عرفت شادية بلقب الدلوعة لما تتميز به من رقة وحب الجماهير لها وتعددت الألقاب ومنها معبودة الجماهير بعد الفيلم الذي يحمل نفس الإسم وشاركها فيه العندليب الأسمر عبد الحليم حافظ.

اقرأ أيضا: نوستالجيا صباحية | «ليه تشغل بالك» على صوت عبد الحليم حافظ