تحدثت الفنانة منة شلبي في صاحبة السعادة التي تقدمه الإعلامية إسعاد يونس عبر فضائية dmc عن تأثير تجربة فيلم نوارة على حياتها الشخصية.

منة شلبي في صاحبة السعادة
وقالت منة شلبي في صاحبة السعادة: "نوارة جالي 2014 وقاريته في ساعة الفيلم، وهالة خليل كانت كاتبة سيناريو رقيق وجميل وهدية ، بطولة بنت بقى ، من أول ما قاريت الفيلم دخلت قلبي نوارة في ثانية وحضرتك عارفة انك معيارك للدور من أهميته وانتي بتقري كدة قلبك دق ولا لا، وأنا بقرأ عمالة أشوف في حاجات وحاجات شايفة حجابها مفيش مكياج شايفة طيبة، روح، غلب في ستات شوفتها قدامي في الشارع".

اقرأ أيضا: منة شلبي تتصدر مؤشرات جوجل لهذا السبب؟
وأضاف: "فعرفت أن هعمل نوارة كلمتها وقابلتها ومضيت ودخلنا عملنا الفيلم دة بحب شديد ، ورا الكاميرا وقدامها، كواليس الفيلم شوارع وحواري والقلعة عند المكان البديع في ستات مصر الرائعات الجميلة اللي تتكسفي من نفسك والله لما تروحي البيت وتلاقي نفسك متعصبة يعني اتعصب لو السخان بايظ، بدخل شوارع ضيقة جدا والناس شايلين مية أطنان حلول وفي رضا وأبتسامة وثقة في الله وأمان".

وأوضحت: "أنا بعد نوارة حتى إنسانيا إتغيرت أكتشفت إني متدلعة أوي لأن بتعصب في حاجات لو شيلت شنطتي التقيلة حطة فيها حاجتي بإرادتي ببقى متعصبة ما بالك بقى لما باجي بشيل مكانهم الجراكن ضهري بيتقطم عملت كدة مثلا أربع أسابيع شهر في حياة كاملة من قوتهم وأيمانهم وحلاوة روحهم خجلوني من نفسي".


اقرأ أيضا: فيديو| منة شلبي في صاحبة السعادة: «اتكسف أقول مونولوج لايف»