علقت الفنانة سارة نخلة على تحدث مستجدات قضيتها ضد زوجها الفنان أحمد عبد الله محمود، مشيرة إلى أنها حصلت على براءة من تهمة الاعتداء على حماتها والدة أحمد عبدالله محمود.

وكتبت الفنانة سارة نخلة خلال صفحتها على موقع التواصل الاجتماعى "فيسبوك" قائلة: "الشكر كل الشكر للقضاء المصري الشريف النزيه وللمستشار عاصم قنديل، من نصف ساعة فقط أثبتت براءتي للمرة الأخيرة بعد استئنافها من حماتي التي لم تعجبها براءة زوجة ابنها والقضية اتقفلت خلاص.

وتابعت سارة نخلة: "كده زوجة ابنها التي لم يطلقها حتى الآن وهو دا السؤال الجوهري لما مرات ابنك وحشة كده طيب ما تطلقوها ولا غاويين خلع .. آه صحيح الخلع بيريح عشان هتنازل عن حقوقي الزوجية اللي بتساوموني عليها ولا لازم اتضرب واتهان واسكت أو هبقى ست وحشة عشان مش بقبل بالذل والإهانة والحاجات التانية اللي حضرتك عارفاها كويس، ولازم لما اترمى في الشارع ببجامتي أرجع زي الكلبة عشان مفيش مكان أروحوا".

وأضافت سارة: "بتستقوو عليا عشان لوحدي.. في أهلي وناس حواليا كتير منكو وفيكو ووقفوا معايا وقفة جدعان وربنا كرمني وبيكرمني عشان عمري ما أقبل راجل يذلني عشان عندي كرامة ومتربية على الأصول اللي منعتني أتكلم ست شهور .. بس لما لقيت في ناس ممكن تصدق الافتراء ودي سمعتي اللي عايشة عشانها فقولت اتكلم.. هتروحوا فين من ربنا قولولي هاتقولوا إيه لربنا.. حسبنا الله ونعم الوكيل.