حل الفنان شعبان عبد الرحيم، ضيفاً على برنامج "طريق الخير"، الذي يذاع عبر قناة "العاصمة"، حيث أفصح عن عدد من الاعترافات الجريئة.

وقال الفنان الشعبي شعبان عبد الرحيم: "انا زمان كنت بشرب حشيش قبل مخلف العيال دي كلها مينفعش يبقي معايا عيال كبيرة واشرب حشيش يبقى انا اللي بعلمهم البوزان .. وبطلت احمد لله"

ووجه المطرب الشعبي شعبان عبد الرحيم نصيحة إلى الشباب قائلاً: "نصيحة شوفوا الناس اللي بتشرب ايه بيحصلها .. بيتخرب بيته بيجي ليه مرض ميعرفش يقوم منه".

وعن انتشار أغاني المهرجانات: تابع شعبان عبد الرحيم قائلاً: زادت وكترت .. فالأول من ساعة اوكا واورتيجا كانت بسيطة .. بعد كدة حد تاني طلع "المدفعجية" .. دلوقتي بقوا كتير وعيال صغيرة".

وتابع شعبان عبد الرحيم: "طول عمري بقدم اغاني هادفة وبوعي الشباب وعملت اغاني عن البانجو والسجاير والحشيش والترامادول".