وقالت إلهام شاهين في برنامج سهرانين الذي يقدمه الفنان أمير كرارة على فضائية ON E: «أنا بحب الوسط الفني أوي بجنون ولما يكون في أي موقف ضد أي فنان حتى لو مش قريبة منه وممكن ميكونش اشتغلنا مع بعض مستحملش كلمة تتقال على فنان والناس عارفين كدة».

ومن جانبه رد أمير كرارة على كلامها، قائلًا «يعني من عشر سنين فاتو»، لتضحك إلهام شاهين، معلقه: «أة من قريب أوي، عارف ببقى مبسوطة بلاقي نفسهم وأنا وسط زمايلي اللي بحبهم من كل الأجيال بقى يعني لما نتجمع الجيل اللي قبلنا والجيل بتاعي والجيل اللي بعدي بنبسط أوي باللمة دي، اللمة دي لمة فيها فرحة فيها حاجة حلوة».

جدير بالذكر أن أخر ظهور للفنانة إلهام شاهين في الدراما التليفزيونية مسلسل ليالي الحلمية 2 بطولة «هشام سليم، صفية العمري، حنان شوقي، سامح الصريطي، عايدة عبد العزيز، درة، محمد عادل» وهو تأليف أيمن بهجت قمر ومن إخراج مجدي أبو عميرة.

كما كانت آخر أعمالها في السينما فيلم يوم للستات من بطولتها، وشاركها في العمل «محمود حميدة، هالة صدقي، فاروق الفيشاوي، نيللي كريم، ناهد السباعي»، وهو تأليف هناء عطية ومن إخراج كاملة أبو ذكري

اقرأ أيضًا: إلهام شاهين وخالد سليم فى ضيافة أمير كرارة ببرنامج سهرانين