استعاد الفنان أحمد شوقي ذكريات وكواليس أغنية "بوسة بجد"، والتي اصدرها في نهاية العام الماضي 2018، وهي أغنية طريفة للأطفال قدمها مع الطفلة جونير.

بوسة بجد أحد أعمال أحمد شوقي وجونير المميزة
وصرح الفنان أحمد شوقي لـ "بوابة المواطن"، أن أغنية بوسة بجد من الأغنيات التي سعد بتقديمها للجمهور، وأشاد بدور القائمين على صناعة الأغنية في إصدارها بهذا الشكل المميز.

أحمد شوقي هو مغني مصري شاب ، قدم عدد من الأعمال الفنية الغنائية ، وصفها بأنها "محاولة لإضافة دقائق من الغناء الصادق الجميل لتاريخ الغناء" ،عن مجمل أعماله وعن الرسالة التي تحملها وتعبر عنها.

وكان قد قدم الفنان أحمد شوقي بالاشتراك مع الطفلة جونير، أغنية جديدة للأطفال، بعنوان "بوسة بجد"، في شهر أكتوبر الماضي من عام 2018، ولاقت الأغنية نجاحًا كبيرًا، وإعجاب من الجمهور، فقد تداولت التعليقات على فيديو الأغنية بموقع يوتيوب، والتي أعرب من خلالها الجمهور عن إعجابهم الشديد بالأغنية وتعلق أطفالهم بها.

أغنية بوسة بجد هي من غناء أحمد_شوقي وجونير، كلمات وألحان أنطونيوس نبيل،إنتاج رهاف للإنتاج الفني.


أما عن كلمات الأغنية فجاءت كلمات أغنية بوسة بجد كالآتي:
- يلا يا نونو بسرعة ننام
نتمرجح سوَّا فـ الأحلام
دي المراجيح بتنادي علينا
بتقول ياللا تعالوا أوام

= زعلانة منَّك إبعد عنِّي
مش راح ألاعبَك أو تلاعبني
عايزة أتنطط عايزة أغنِّي
وانتا عايزني أنام وتسيبني

- معقول أبعد عنِّك انتي
دانتي حياتي وضيّ عينيَّا
إوعي تنامي خلاص يا حبيبتي
ياللا يا روحي نغنِّي شويَّة

= لأة يا بابا نغنِّي كتير
نونو خلاص مابقاش زعلانة
هـ نجيب للفراشات زمامير
والدباديب هـ تغنِّي معانا

- بس بشرط الأوِّل بوسة
بوسة لبابا يا أحلى عروسة

= آدي البوسة أوام غنيلي
- لأة يا نونو ضحكتي عليَّا
قبل الغنوة لازم تديلي
بوسة بجد كبيرة قويَّة

= طب هـ أديلك حبّة كاندي
- أطعم عندي إنِّك تبوسيني
لو مش عايزة وناوية تعاندي
يبقى خلاص أنا أغمَّض عيني

- كده عسولة كده شطورة
= كده قلبي مصحصح ومزقطط
- أنا عصفور ونتي العصفورة
= والعصافير لازم تتنطط

= ياللا يا بابا نغنِّي بسرعة
- اصبري حبَّة لحد ما أفكر
= إوعى تقوللي نغمَّض إوعى
- يبقى خلاص بيَّاع السُّكر
- ياللا نغنِّي = هيييييييه

- سُكر مُكر = لا لا لا
- بياع السُّكر = لا لا لا
= سُكر مُكر - لا لا لا
= بيَّاع السُّكر - لا لا لا

- م الصبحيَّة عامل غارة
= بيلفلف من حارة لحارة
- اللي يجيلُه بياخد سكر
= واللي يسيبُه يا ألف خسارة


- مهما بيشقى ويزيد همُّه
= أول ما القطاقيط يتلموا
- بيزغزغهم ويضحَّكهم
= زيّ السُّكر شربات دمُّه

- جايب سكر ليكي وليَّا
= للأطفال ويقول دا هديَّة
- واللي يفرَّح طفل يا نونو
= يستاهل مليون أغنيَّة

- نونو خلاص نِعستْ قدامي
= أيوه يا بابا أنا عايزة أنام
- هـ أزعل منِّك أوعي تنامي
= بسّ يا بابا أنا عايزة أنام
- يعني خلاص مش طايقة كلامي
= نبقى نكمِّل فـ الأحلام

- ياللا يا نونو بسرعة ننام
نتمرجح سوَّا فـ الأحلام
دي المراجيح بتنادي علينا

اقرأ أيضًا : ابنة فيفي عبده تكشف تطورات الحالة الصحية لوالدتها