تحدث الفنان أحمد صيام أحد أبطال مسلسل أبو العروسة عن دوره في العمل الدرامي، وذلك خلال برنامج صاحبة السعادة الذي تقدمه الفنانة إسعاد يونس على فضائية dmc.

مسلسل أبو العروسة
وقال أحمد صيام عن دوره في مسلسل أبو العروسة، خلال برنامج صاحبة السعادة «داوود راجل مصري فلاتي برة البيت وجوة البيت لطيف وكيوت ويقول الكلمة ويرجع ويعرف يداري نفسه ويكدب ومش هيسمح أن حاجة تهد بيته، هو اه راجل هلاس بس في الآخر بيرجع البيت ده الراجل المصري».

اقرأ أيضًا: خاص لـ" بوابة المواطن" لأول مرة احمد صيام يكشف عن معاناته مع مرض السرطان
وأضاف: «الناس بتسألني مراتك كشفتك واقولهم مش عارف بس انا عارف علشان محرقش الأحداث، من زمان معملناش مسلسل عن طبقة متوسطة والموظفين بمشاكلهم الحياتية العادية، العروسة دي هتتكلف ايه هتتجهز ازاي والأهل اللي رافضين أن الراجل يشيل كل حاجة لا احنا كمان هنشيل بس نعمل بيت بحكم ظروفنا، والراجل المنتمي للطبقة دي ومراته عايزة توديه في حتة تانية لا انا عايز هنا وخليني معاكي لطيف بس انا من الطبقة دي».

واسترجع إحدى مشاهد الجزء الأول من مسلسل أبو العروسة، قائلًا «في مشهد من الجزء الأول لما بيروح يتكلم في مشكلة بيلاقي عزومة رنجة بيقعد ونسي مراته والمشكلة، هو داوود عايز يعيش في وسط الناس دي وحتى ارتباطاته ومشاكله مع الستات في وسط الطبقة دي، يمكن مرة بس اللي راح لواحدة من الطبقة الغنية قبل كدة الحكاية مش فارقة معاه، إنما الحكاية أنه عايز يعيش الحياة البسيطة راجل اشتغل في محل بقالة وبعدين كبر شوية لحد ما بقى عنده فلوس كتير».

اقرأ أيضًا: فيديو| محمود حجازي يكشف كواليس دور «طارق» في أبو العروسة