الحياة عبارة عن كلمة في مشهد نعيشها يوميًا باختلاف الأدوار التي نتقاسمها، ولكل منا مشهد نقوم به، وهذا ما يعبر عنه السينما والدراما والمسرح بكافة الأشكال.

كلمة في مشهد
ونحن نتعايش مع كل كلمة كأنه مشهد في حياتنا بالفعل، لكي نأخذ منه عبرة أو حكمة نسير عليها في حياتنا، يوجد من يشعر أنها بالفعل جزء من حياته والواقع.

ومشهد اليوم من مسلسل رد قلبي والذي دار بين محمد رياض (علي عبدالواحد) أحمد خليل (الأمير إسماعيل) وكان نص المشهد كالآتي:

الامير اسماعيل: قالوا لى انكم جايين تصادروا املاكى
على: احنا بنصادر املاك اسرة محمد على كلها
الامير اسماعيل: بأى حق ؟؟
على: حق الشعب
الامير اسماعيل: هو اللى طلب منكم ؟؟!!
على: احنا قبل ما نكون ضباط، احنا من الشعب
الامير اسماعيل: على العموم المناقشة معاكم غير مجدية، لانها غير متكافئة، انتو دلوقتى اصحاب القوة معاكم السلاح واحنا اصبحنا عزل
على: صدقنى سموك المناقشة دايما كانت غير متكافئة، واذا كنا احنا النهاردة بنحمل السلاح فلأن ده من صميم واجبنا عشان نحمى الشعب من ظلمكم وطغيانكم
الامير اسماعيل: نهايته، طلباتكم ؟
على: سموك تختار قصر تعيش فيه وتختار عربية واحدة بس المهم كل حاجة تفضل زى ما هى وممنوع تبديد اى شىء من المنقولات سواء عن طريق البيع او التهريب
الامير اسماعيل: الكلام ده بتقوله لنا احنا ؟؟!!!
على: دى تعليمات
الامير اسماعيل: انا مستعد لكل طلباتكم لان الرفض اصبح مجرد عبث وتضييع للوقت بس ياريت يا حضرة الظابط تعرفوا تحافظوا على الحاجات دى وتقدروا قيمتها كويس على الاقل لو اتغيرت الظروف ورجعنا فى يوم من الايام نلاقيها زى ما سبناها
على: مفتكرش ان اليوم ده هيرجع
الامير اسماعيل: حتى لو مرجعش على الاقل الناس تشوف وتقدر الحاجات الجميلة اللى احنا سبناها ولازم تعرف يا حضرة الظابط وياريت تقول لزمايلك اذا كانوا الفراعنة سابوا حاجات انتو بتفخروا بها فأسرة محمد على سابت لكم حاجات يا ريت تقدروا تحافظوا عليها

اقرأ أيضا|كلمة في مشهد| انى مش عايز اسافر غير بلدنا