ظهرا الثنائي الفني المميز ، دلال عبد العزيز وسميرغانم في برنامج سهرانين الذي يقدمه الفنان أمير كرارة على فضائية ON E وكشفا بداية قصة حبهما.

دلال عبد العزيز وسمير غانم  في سهرانين
وقالت دلال عبد العزيز في برنامج سهرانين: " مشهورة القصة بتاعتنا في الوسط الفني كله كان كل الممثلين الكبار اللي انا اشتغلت معاهم مراهنين إن أنا اتجوزه ومنهم أستاذ محمود مرسي كنت بعمل معاه مسلسل في تونس وقالي يا بنتي سيبك منه مبيتجوزش، أستاذ محمود المليجي، يحيى العلمي المخرج، أستاذ عبد المنعم مدبولي كلهم وجورج سيدهم نفسه عشرة عمره وصاحبه قالي اسأليني أنا".

وأضاف سمير غانم: " شوفت أنا اتبهدلت ازاي، بس أخف دم في الهيصة دي الله يرحمه فريد شوقي حبيب قلبي وكنا بنصور فيلم يارب ولد وكان اول فيلم لدلال عبد العزيز، قالي ايه يلا مش عايز تتجوز ليه ما البت حلوة زي القشطة اهي مالك ما تتجوزها يلا بطريقة لذيذة جدًا وقولتله والله علشان خاطرك انت".

وأوضح: " اتنين في العالم ربنا يخليهم وأنا طاير بيهم دنيا وإيمي بيكملوا المشوار ماشاء الله ربنا يحميهم وبيقدموا حاجات حلوة اعتقد يعني الجيل بتاعهم جامد اوي".

تفاصيل قصة حب دلال عبد العزيز وسمير غانم في سهرانين
وأشارت دلال عبد العزيز: " احكي بقى قصة الهدية دي هو كان بيجيبلي هدايا قبل الجواز، أول مرة اسهر في حياتي كان بعد افتتاح مسرحية اهلا يا دكتور افتتحناها يوم 2311980 قبلها في 17 يناير عيد ميلادي وفي 15 يناير عيد ميلاده في الفرقة واحنا في البروفات جابو تورتة لسمير وانا قولتله عيد ميلادي يوم 17 بعدك بيومين راح جايبلي بالطو شيك جدًا ودي كانت اول هدية وانا طالبة جاية من الزقازيق انا خريجة زراعة الزقازيق وهو خريج زراعة اسكندرية وبعد افتتاح المسرحية خرجنا نسهر والفرقة كلها سمير وجورج وايفا روحنا نسهر في الأوبرج دخلت وانا لابسة البالطو وفرحانة بيه جدًا، خدو مني البالطو في الاوبرج وانا قعدت ألف واقول البالطو كنت خايفة على البالطو لان فرحانة بيه جدًا وخصوصا انه غالي وشيك ومن سمير".

اقرأ أيضا: دراما رمضان 2019.. تعرف على دور دلال عبد العزيز في فلانتينو