تعتبر السينما ملجأ لكثير من الأفراد الذين يذهبون إليها لأنها تعبر عن أشياء بداخلهم وذلك من خلال كلمات بعض المشاهد، وبالأخص امرأة في مشهد.

امرأة في مشهد
تتأثر السيدات كثيرًا بكلام بعضهن وخاصة إذا كان الحديث من امرأة مثلهن، ويوجد بعض المشاهد المؤثرة لبعض الفنانات التي لا زالت عالقة في أذهاننا حتى هذا الوقت، لقوم معانيها وصدق الحديث فيها.

وامرأة في مشهد اليوم من فيلم من فيلم «الراقصة والسياسي» إنتاج سنة - 1990 بطولة نبيلة عبيد وصلاح قابيل وفاروق فلوكس، بينما دار المشهد نبيلة عبيد (سونيا سليم) صلاح قابيل (خالد مدكور) وجاء نص المشهد كالآتي:

- إنتى عايزة إيه بالظبط ؟
= الموافقة على دار للأيتام
- ما أقدرش أعملك حاجة.. ما أقدرش أتوسط لـ رقاصة
= إيه الحكاية رقاصة.. رقاصة.. ! ما احنا الاتنين زى بعض يا عبد الحميد !
- إنتي قليلة الأدب.
= وإنت كداب عشان بتكدب على نفسك قبل ما تكدب على الناس، كل واحد فينا بيرقص بطريقته... أنا بهز وسطى وإنت بتلعب لسانك وتخطب
- الفرق شاسع يا عالمة يا....
= أنا اقولك الفرق...احنا الإتنين بنطلع فى التليفزيون، أنا الناس بتتفرج عليا، وانت اول لما بتطلع الناس بتقفل التليفزيون، عشان إنت رقصك ملوش جمهور.. إنما أنا رقصى ليه جمهور... عارف ليه ؟
- لإن بضاعتك رخيصة، هدفك تشعللى الغرايز المكبوته عند الناس.. إنتى شغلك الإثارة.
= اسم الله على مقامك الرفيع.. ! وإنت شغلك يبقي إيه لما توعد الناس بمستقبل مشرق، ويجى بكرة ميطلعلوش شمس ؟!