تعرض الفنان محمد علي، لحادث سرقة بمنزله أثناء إقامته في مدينة برشلونة الإسبانية وكشف عن صدمته الكبيرة من تأخر رد فعل الشرطة في الاستجابة لبلاغه وصل لأكثر من 3 ساعات بل أنهم لم يتخذوا رد فعل سريع في القبض على اللص.

ونشر الفنان محمد علي، من خلال حسابه الشخصي بموقع التواصل الاجتماعي «فيسبوك» صورة توضح بعثرة بمحتويات الشقة وعلق عليها: «مساء الرضا على الغالين  زى ما بنقول الحلو نقول الوحش... امبارح الشقه اتسرقت واتسرق منها حاجات مش عايز اتكلم.. ولكن المصيبه اللى مش مصدقها إننا بلغنا الشرطه وجاءت بعد ٣ ساعات.. يعنى الحرامى زمانه سافر فرنسا».

وتابع محمد علي: «واللى جننى زياده إنهم مش عملوا حاجه... اتفرجوا على الفيديو بتاع العماره وشافوا الحرامى بس مخفى ملامحه.... واتكلوا على الله ....تقريباً المفروض كنت أبقى مهم عشان يهتموا والله ما كنتش أعرف... و كنت متخيل إن الشرطه مسيطره هنا فوق الخيال لكن للأسف... هنرجع نحمى نفسنا كالعادة ....نقطه وحشه فى حق برشلونه وأتمنى يعالجوها».