تعتبر السينما ملجأ لكثير من الأفراد الذين يذهبون إليها لأنها تعبر عن أشياء بداخلهم وذلك من خلال كلمات بعض المشاهد، وبالأخص امرأة في مشهد.

امرأة في مشهد
تتأثر السيدات كثيرًا بكلام بعضهن وخاصة إذا كان الحديث من امرأة مثلهن، ويوجد بعض المشاهد المؤثرة لبعض الفنانات التي لا زالت عالقة في أذهاننا حتى هذا الوقت، لقوم معانيها وصدق الحديث فيها.

امرأة في مشهد اليوم من مسلسل هوانم جاردن سيتي وهو يعتبر من المسلسلات المميزة في قلوب الكثير وتركت العديد من العلامات، ونال إعجاب الكثير من المشاهدين، حيث دار المشهد بين عبلة كامل (شكران الشاذلي) وهشام سليم (محسن الشاذلي)، كالآتي:

محسن.. انت قلقان؟ أجيب لك تشرب؟
ـ انتي لسه صاحية لحد دلوقتي
ـ حاسة بيك بس
ـ انتي بتحبيني بقى
ـ مش هرد
ـ لا بجد.. بجد بتحبيني للدرجة دي؟
ـ نام يا عبيط نام
ـ عبيط.. على رأيك.. أنا ماتعبطتش غير بعد الجواز.... قولي لي.. انتي شايفاني وانتي مغمضة؟
ـ اسكت بقى بتكسف
ـ بتتكسفي؟ هي دي المصيبة
ـ أفندم ! يعني ايه مش فاهمة
ـ يا ستي أنا ما قصدش حاجة.. أنا مراية اللي قدامي.. وانتي مش عاوزة تتغيري
ـ اتغير ازاي يعني
ـ انتي هتجنيني بسذاجتك
ـ أنا مش ساذجة، أنا طيبة، بس مش طيبة هبلة.. طيبة شاطرة وبفهم كويس
ـ طاب مدام بتفهمي كويس ليه ما بتفهميش أنا بحب ايه وما بحبش ايه، انتي مش ناقصك حاجات كتير بس فيه حاجات ماقدرش أعلمهالك.. يعني ما بتغيريش في شعرك؟ في لبسك؟ زي شهرت ونجوي وغيرهم
ـ طاب ليه؟ ما أنا أبقى زي نفسي.. أنا ما بحبش كده
ـ أنا بموت في كده
ـ اسمع يا محسن أنا عايزة أقول لك على حاجة: اللي بيحب حد مابيقعدش يفصفص فيه بالشكل ده، مافيش حاجة اسمها: أنا عايز أحبك وانتي زي فلانة أنا عايز أحبك وانتي زي علانة.. ما فيش حاجة اسمها كده.. ده كلام يجرح، حبني زي ما أنا كده الأول
ـ حاضر هحاول أحبك زي ما انتي كده الأول

اقرأ أيضا| امرأة في مشهد|الكلام الحلو بيقولوه في السيما