وجهت الفنانة "سمية الخشاب" عدة نصائح وخاصة البنات بالتزامن مع بدء العام الدراسي الجديد، و تصريحاتها الجريئة يجعلونها تتصدر مؤشر البحث "جوجل" خلال الساعات الماضية.

وكتبت عبر حسابها الرسمي على "تويتر": "من أولها كده، أول أسبوع مالوش لازمة، متعملوش صحاب جداد من الدفعة خليكوا مع بتوع السنة اللي فاتت أضمن، متحتكوش بحد غير نفسكوا عشان في ناس شغلتهم يلبسوكوا وبس، وأنا بنفسي هبقى متابعاكم".

النصائح التى قدمتها للطلاب

1- معدش في اونلاين فننام بدري عشان الحضور

2- منتحوجش للي بيبقوا قاعدين قدام محتلين الديسك اللي فالاول عشان معظمهم بيبقي نفسيه

3- نحاول علي قد ما نقدر منبقاش اجتماعيين احنا مش رايحين نادي خلصوا المحاضره او التوتريال واجروا علي البيت

4- متحتكوش بولاد الدفعه خالص (للبنات)

وكانت تعليقات متابعيها: "وعد تنزلي لينا ملخصات زي ما عملتي مع الثانوية العامة" "ادينا نصايح الامتياز بقى يا فنانة السنة دي" "مهتمة أوي باللي بيدرسوا وسايبة اللي خلصوا ومتمرطين في الشغل".

والجدير بالذكر، أن الفنانة "سمية الخشاب" عملت على دعم طلاب الثانوية العامة خلال الفترة الماضية، وبالتحديد خلال الامتحانات، وكان ذلك من خلال منشوراتها التي وجتها للطلاب عبر "تويتر" و"فيسبوك"، وتحسهم على المذاكرة والتفوق والتغذية السليمة.

حيث نشرت من قبل على "تويتر" قائلة: "ألف مبروك للناجحين ويارب تتقبلوا في الجامعات اللي نفسكوا فيها واللي مجبش المجموع اللي هو عايزه السنه دي بقوله ولا يهمك مش نهايه العالم ادخل الكلية اللي يجيبها مجموعك واثبت نفسك فيها ولسه قدامك فرصه تانيه وتالته وركز في اللي جاي وربنا يوفقكم كلكم حبايبي".

كما تحرص "سمية الخشاب" على متابعة جمهورها بأحدث صورها والفيديوهات، والعديد من الآراء عبر حسابها الخاص على "تويتر" مؤخرا، وتظهر بالملابس الأنيقة التى تكشف جمالها والتى تثير الجدل باستمرار بين الجمهور.

ويذكر أن الفنانة تعود إلى السينما بفيلم جديد بعد غياب سنوات، وقد وقعت عقد فيلم "التاروت" مع الفنانة "رانيا يوسف" ومن إخراج "إبرام نشأت"، وتبدأ تصويره خلال الأيام القادمة، وكان اخر فيلم شاركت فيه عام 2015 "الليلة الكبيرة".