نشرت الفنانة "منى فاروق" مقطع فيديو جديد تحتفل به بعيد ميلاد والدتها عبر موقع تبادل الصور والفيديوهات "إنستجرام"، معلقة: " مليكتي بحبك كتير كتير، أأنتي الدنيا كلها كل سنه وأنت طيبة.. وكل سنه وأنتي معايا ربنا يديكي الصحة و طول العمر ويخليكي فوق راسنا".

وتعددت آراء رواد مواقع التواصل، فمنهم من هنئ والدتها بعيد ميلادها، ومنهم من انتقدها بسبب إطلالاتها الجرئية، خاصة بعد ظهورها منذ أيام في مقطع فيديو وهى أمام الكعبة وتبكي من الخشوع.

منى فاروق ترد علي انتقادات متابعيها

ونشرت منى فاروق بوست لترد على منتقديها قائلة: " ما كل البنات بتلبس فساتين صيفي عادي، أنا حرة، ليه نازلين فيا جلد، ده ربنا بيسامح وبيغفر لعباده الذنوب، أنتو إيه ملايكة يعني، عمومًا أنا أحسن منكم، أنا ربنا أنعم عليا بستر جديد، خدوا بالكم رصيد ستركم هيخلص من كتر الأذى والشر اللي بتعملوه فيا وربنا عقابه شديد، بس أنا ولا فارق معايا كلامكم، أنا بعامل ربنا مش بعامل البشر، بجد حسبي الله ونعم الوكيل في كل الناس اللي بتكتب عني بالكذب".

وأضافت: " هو أنا ليه شاغلاهم أوي كدة إيه القرف ده، ماتروحوا تشوفولكم شغلانة بدل ما بتتكلموا في عرضي وشرفي، عيب بقى كفاية قرف، أنا في الأول وفي الآخر بنت بتتكلموا في عرضي ليه".

وتابعت: "خافوا ربنا شوية أنتو إيه، خسارة أقول عليكم بني أدمين والله، حسبي الله ونعم الوكيل في كل شرير وحاقد وحاسد وشخص بدون شرف بيكتب في عرضي وشرفي وحقي بالباطل، الله لا يسامحكم".

ظهور منى فاروق ونجل الفنانة "وفاء عامر"

وتظل "منى فاروق" في أثارتها للجدل، فظهرت خلال الفترة الماضية مع نجل الفنانة "وفاء عامر" على أحدى الشواطئ في أحدى القرى السياحية بالساحل الشمالي.

وتصدرت التريند بعد نشر مقطع فيديو لهم عبر صفحتها الرسمية على "إنستجرام"، مما أثار تساؤلات الجمهور عن سبب تواجدهما معها.