تخلى "حسام حبيب" عن صمته وأجرى مكالمة هاتفية مع الإعلامي "عمرو أديب" ببرنامج "الحكاية" على قناة "ام بي سي مصر"، وكشف عن العديد من التفاصيل والحقائق بعلاقته مع الفنانة "شيرين عبد الوهاب" في الفترة الأخيرة.

وأوضح "حبيب" عن علاقته بالأشخاص حول الفنانة ووصفهم له بالعدو معربًا: " الحنفية اتقفلت على كل اللي حواليها، ومكنش ينفع في وجودي إنه أي حد يقدر ياخد حاجة منها، كنت العدو الأول لكل من يحاول نهب شيرين عبد الوهاب، وكان فيه ناس عايشين من خيرها وعايزين يمتلكوها".

كما أكد أنهم جميعًا حاولوا طوال 4 سنوات إبعاده عن "شيرين" وتخريب علاقتهم.

 مشيرًا إلى أنه لا يحتاج لأموالها ولا ينظر لأي نجاح يأتي من خلفها قائلًا: " أنا عندي فلوس أكتر من شيرين بكتير رغم إن شغلي أقل منها، شيرين كان عندها نجاح واسم ومكنش مترجم هذا النجاح لفلوس، شيرين كانت منتهكة ومنهوبة ممن حولها، وكانت متأثرة جدًا بكلام من حولها، ووصلت العلاقة بينا إلى الطلاق".

وأضاف " أنا معملتش أغنية واحدة من يوم ما اتجوزت شيرين، إزاي أكون راجل مستفيد من فلوسها وأسيبها تتخن وتهمل شغلها"، وأردف " شيرين محتاجة رعاية نفسية، وأنا بحب شيرين جدًا وعمري ما حاولت أستغل أي حاجة لإطلاق تصريحات مسيئة ضدها، ومش عشان أبرئ نفسي هستغل شيرين وأزمتها للنيل منها".

وعن إستخدامه لأساليب العنف معها خلال فترة زواجهم، رد قائلًا: " لم أكن عنيفًا مع شيرين، أنا متربي وعمر العنف ما كان سلوكي أو ثقافتي، والطلاق بيننا لم يكن بسبب أي وقائع عنف وممكن تسألوها، وعلاقتي بها لم تكن سامة وعمري ما خدت منها جنيه سواء قدامها أو من وراها".

كما أجاب على إتهامات تعاطيه للمخدرات " هل لو وصلت لمرحلة الإدمان أهلي هيسبوني، هوا أنا مليش أهل يسألوا عليا ويودوني مستشفى أتعالج فيها، شيرين ربنا يشفيها عندها لسان يرد على سؤال (من له مصلحة في وصولها لهذه الحالة)".

وتابع حديثه "اللي بيدمر شيرين هو اللي عايز يستغلها ويحجر عليها، والي معاه توكيل رسمي منها وعايز يحجر عليها".

وصرح عن معرفته بالصدفة لوجود "شيرين عبد الوهاب" داخل المستشفى لتلقيها العلاج، كما نفى تواجده أمام المستشفى ونداءه لها كما تداول الفترة الأخيرة.

 وعلق " أنا كنت في عربيتي قدام المستشفى ولم أخرج منها، ومكنتش واقف قدام المستشفى أو بنادي عليها من بره، الكلام مش هينفع يخش العقل، أنا عرفت وجود شيرين بالمستشفى بالصدفة البحتة من خلال شخص خارج من المستشفى، وعرفت من خلال هذا الشخص إن شيرين ممتنعة عن الأكل لـ 4 أيام، وحاولت الانتحار".

واستكمل حديثه: " تأكدت من وجود شيرين عبد الوهاب في المستشفى المذكورة عن طريق شخص غادر منها، أخبرني أن شيرين رفضت الأكل لمدة 3 أيام، وتناولته أخيرا، وحاولت الانتحار مرة واحدة".

"وأخبرني الشخص أن جسمها به الكثير من الكدمات من الضرب يوم سحلها وجرها للمستشفى، وشعرها متقطع، واحدة مغصوب عليها ولا معاها تليفون ولا أي شيء، وممنوع عنها الزيارة حتى بناتها عشان اللي بيقولوا انهم تواصلوا معها وكلموها، دا محصلش".

واختتم "حسام حبيب" أنه عاش مع والدته حوالي 37 عام وزواجه من الفنانة بمثابة أول زيجاته مؤكدًا: "الناس اللي بتقول أنا اتجوزت شيرين عشان فلوسها، أنا كنت عايش مع والدتي لحد ما بقى عندي 37 سنة وشيرين أول جوازة ليا .. يعني أنا خرجت من بيت أمي على بيت مراتي فا ازاي يعني!".