ووجه لها أحد الصحفيين سؤالا في مؤتمر صحفي عن فيلمها الجديد "هاشتاج جوزني" عن رأيها في ما تقدمه "ياسمين عز" لترد قائلة: "لا تعليق، والله العظيم بجد لا مش عايزة أساعد في أنها تشتهر".

 
وعلقت "ياسمين عز" في برنامجها "كلام الناس" الذي يعرض علي قناة "إم بي سي مصر" قائلة: "في مثل أنا بعمل بيه، وهو من دق الباب لقى الجواب، يعني اللي يخبط على حد هيلاقي رد، من وجهة نظري الرد 3 أنواع، رد بالتجاهل، ورد بقلة الأدب، ورد بالأدب".

وتابعت: "لما تكوني لسه مبتدئة في بداية حياتك المهنية، ولسه بيكتبوا اسمك بالقلم الرصاص، حاولي متخوضيش معارك مجانية، متخلقيش لنفسك أعداء بدون داعي وببلاش، مش ذنبي إن الصحفي ملقاش عندك تاريخ أو حاجة مهمة يسألك عنها فسألك عني، بدل ما تكلمي عني، كنت طلبتي بكل احترام وتهذيب إن الناس تسألك عنك إنتي وعن شغلك إنتي". 

وأضافت قائلة: "انتي بنت ظريفة،حاولي إنك تشتغلي على نفسك أكتر وتعملي أدوار مهمة وتصنعي تاريخ مهم تخلي الصحافة المرة الجاية تسألك عنك مش عني أنا، إحنا مش ملزمين إننا نحب بعض بس مجبورين نحترم بعض، إحمدي ربنا إنه وقعك فيا المرة دي، أنا نادرًا لما برد، مرة تانية ممكن تقعي مع حد تاني يستلمك ليل نهار مش هتخلصي منه، وتأكدي إن الإنسان لازم يشتغل بجد عشان يكون مهم، ولما يكون مهم هيسألوه عن نفسه هو مش ناس تانيين.