"دنيا سمير غانم" تكشف سر حبها للمسرح و"كريم فهمي" يهنئها برسالة

السبت 12/نوفمبر/2022 - 12:52 ص

دنيا سمير غانم وكريم فهمي

مريم عطية

شاركت الفنانة "دنيا سمير غانم" متابعيها عبر حسابها الشخصي بموقع تبادل الصور والفيديوهات "إنستجرام" صورة تجمعها بوالدها الراحل "سمير غانم" ووالدتها الراحلة "دلال عبد العزيز" من مسرحيتهما "فارس وبني خيبان".

وعلقت عليها قائلة: "الصورة دي من مسرحية فارس وبني خيبان وكان عندي وقتها سنة أو سنتين ومعرفش ليه كنت بحب أطلع جنب بابي ومامي على المسرح في وقت تحية الجمهور بس لما كبرت عرفت".

كما نشرت صورة أخرى لها من مسرحيتها "أنسوتنا" معربة: "الصوره التانية من تحياتي للجمهور العظيم "أهلي" في مسرحية آنستونا إللي بتتعرض دلوقتي وأنا في وسط كل النجوم وصناع العمل متشرفة بوجودي معاهم".

واستكملت "الصورة دي فيها حلمي بيتحقق واللحظة دي هى أكتر بحس فيها كل يوم إن بابي ومامي واقفين جنبي وبيبصولي بحب وفرحانين بيا وبعمل أقصى ما عندي من مجهود عشان بس الناس تسقفلي وأحس بيهم حواليا"، مختتمة: " بابي ومامي بحبكم قوي ربنا يرحمكم يا رب".

كريم فهمي يدعم دنيا سمير غانم

ومن ناحية أعرب الفنان "كريم فهمي" عن رأيه في مسرحية "آنستونا" من خلال نشر صورة له عبر حسابه الشخصي على "انستجرام" تجمعه بصناع العمل وكتب: "قبل ما أتفرج على المسرحية كنت ناوي كده كده أنزل صورة ستوري كمجامله لصديقتي دنيا وصديقي محمد أحمد السبكي لكن الحقيقة العمل من كتر ما عجبني فابقيت متحمس إن كل الناس تشوفه وتتبسط زي ما أنا اتبسط النهارده فاقلت ده محتاج بوست ومش مجاملة نهائي".

وحرص على تهنئة صناع العمل قائلًا: "مبروك لكل صناع العمل مبروك يا دنيا يا موهوبة أوي أوي مبروك يا توتا "محمد أحمد السبكي"المنتج الجامد الجريء، مبروك للأستاذ خالد جلال مخرج العمل المايسترو الحقيقي، مبروك لكل أصدقائي نجوم هذا العمل، بيومي فؤاد، كريم عفيفي، عمرو عبد العزيز، بسنت صيام، صلاح الدالي والأستاذ سامي المغاوري، المؤلفين الجامدين قوي قوي قوي وضحكوني كمؤلفين وممثلين كيمز وعبد الوهاب ... ده غير الأغاني روحوا اتفرجوا هتتبسطو أوي".