صرحت المخرجة إيناس الدغيدي، أن ما قيل على لسانها عن السيناريست تامر حبيب تم تحريفه وأنها كانت تتحدث بشكل عام وليس على شخص بعينه.

قالت "الدغيدي" خلال مداخله هاتفيه ببرنامج "حديث القاهرة" والذي يقدمه الإعلامي خيري رمضان والإعلامية كريمة عوض ويذاع على فضائية “القاهرة والناس”: " كل الناس على السوشيال ميديا بقوا مونتيرين ومصورين ومخرجين وبيعملوا حاجات غريبة وركبوا حديث ملوش علاقة باللي قلته".

أضافت أنها لم تقصد إهانة السيناريست تامر حبيب، موضحه: “تامر حبيب هو حبيبنا كلنا ونحترمه على المستوى المهني والشخصي لأنه انسان مبهج واحنا أصحاب".

تابعت إيناس: "أنا ضاريته من غير ما أقصد هو كلمني وقالي أنا متأكد أنك مش قصدك بس شوفي السوشيال ميديا عملوا ايه، ووضعي دمه تقيل، وهو في حالة وحشة وده حقه لأن الهجمة لما بتبقى كبيرة ولها حاجة أخلاقية بتبقى دمها تقيل".

وفي السياق ذاته، تعرض السيناريست تامر حبيب للعديد من الانتقادات بسبب شكله ومظهره مؤخرًا، ورد تامر حبيب على هذا: "لما بنزل صورة وأنا على البحر بتعرض للانتقادات هما عايزين نلبس طرابيش مثلا، ما طبيعى نلبس مايوهات وآه أنا لابس حلق إيه المشكلة لأني عايز أكون نفسي".