كشف الفنان شريف منير، عن اعتراضه على مشاركة إلهام وجدي، الوجه الجديد في مسلسل "إيجار قديم"، والتي  تعتبر من الشخصيات الأساسية في العمل.

وقال شريف منير في برنامج، "كلمة أخيرة"، عبر فضائية "أون" مع الإعلامية لميس الحديدي: "احنا اجتمعنا مع فريق العمل في جلسة قراءة قبل التصوير، ومتبسطش حسيت الناس مش قوية، لأني بحب الممثل القوي عشان ياخدني ويطلع، وأول حد اعترضت عليها إلهام، لأني حسيت الدور كبير عليها".

وأضاف: "وقت التصوير اتفاجأت بواحدة فاهمة بتعمل ايه وكأنها بتشتغل من 5 سنين، وقلت دي بتستعبط علينا، شاطرة وحافظة ومحضرة شغلها ومشاعرها، وساعات كان بيحصل حاجات، وأنا مابسكتش، فبقولها أو أقول للمخرج".

وقالت إلهام وجدي ردًا عليه: "أنا في أول مشهد بيجمعني بيه كنت مفروض ازعقله وابقي عصبية واقولوا في ايه يا راجل انت، طبعا أنا كنت مرعوبة وقولت للمخرج أنت متأكد أني هقولوا كدا، أنا مكنتش قادرة أزعق فيه خالص ومحروجة".

وتابعت: "المخرج قالي راسك براسه يا إلهام، هقول أكشن تخشي تضربي في الأرض وتقولي الجملة دي، وأنا أصلا عاوزة أقولوا أنا اسفة والله مش قصدي".

ويذكر أن، مسلسل "إيجار قديم" يضم نخبة من نجوم الفن منهم شريف منير، صلاح عبدلله، محمد الشرنوبي، بسمة داوود، ميمي جمال، هشام إسماعيل، علاء زينهم، أسامة عبدلله، حازم سمير، والعمل من إخراج طارق رفعت، وتأليف عمرو الدالي، وإنتاج كاملة أبو ذكري.