حضرت الفنانة كندة علوش في احتفالية قادرون باختلاف، المقام حاليًا في مركز المنارة للمؤتمرات، بحضور الرئيس عبد الفتاح السيسي.

وقامت كندة علوش بتقديم فقرة بعنوان "أبطال الحكاية"عن ذوي الهمم وقالت: " سعيدة جدًا إنى موجودة معاكم النهاردة في احتفالية قادرون باختلاف، أنا قبل ما أكون أم لطفلين، كنت شايفة إن الدور اللي بيلعبه الأهالي دور مهم، ولكن النهاردة بعد ما بقيت أم عرفت إنه دور عظيم ومبهر".

وأضافت: "كلنا كأمهات بنحس إننا هنقع أو هننكسر ومش هنعرف نقوم، ونبقى محتارين هناخد القوة والدعم منين، أنا بحيي كل أم وكل أب موجودين معانا، وقادرة أتخيل الإحباط والإنكسار اللي عديتوا بيه، وقادرة أتخيل الإصرار والتحدي أنكم تكملوا، شكراً لكل أب وأم هم الأبطال الحقيقيين خلقوا أبطال حقيقيين".

كما وجهت كندة علوش خلال الاحتفالية الشكر للرئيس السيسي وقالت: " شكرًا الرئيس إنك كنت مصدر دعم وقوة ليهم، وطبطبت عليهم وبفضل سعادتك وبفضل قادرون باختلاف خلاهم بيمشوا فخورين مش مكسوفين، رافعين رأسهم، بقى كل أم وأب فخورين باللي عندهم".

وقدم الفنان أحمد أمين فقرة "أبطال الحكاية" أيضًا من خلال عرض فيلمًا تسجيليًا، موضحًا أن المبادرة ساعدت الكثير من الأهالي وذوي الهمم على تخطي الكثير من الصعوبات.

وقال أحمد أمين من خلال الفيلم التسجيلي: " لما بتكون جزء من عيلة بتبقى همك إن ما تشوفش ولا يوم صعب على العيلة دي، وبيحاول يحقق المستحيل وفي زحمة الدنيا مش بيبقى فاضي يعبر عن مشاعره، لكن بتبقى عايز تحول حياته لحكاية جميلة، هنعرف مين بطل الحكاية".