كشفت الفنانة إلهام عبد البديع أن أسرتها عارضت زواجها، حيث أنها تكبر زوجها بـ 8سنوات، وأضافت:"شكلي مش بيدل على سني محدش كان يعرف، أو يتوقع فرق السن كانوا خايفين من التجربة".

تحدثت الفنانة إلهام عبد البديع، خلال لقاءها في برنامج "نص الكلام"، مع الإعلامية راغده شلهوب، الذي يذاع على قناه النهار، قائلة:" أنا أكبر من جوزي وليد بـ 8 سنين، في البداية خفت من خطوة الارتباط بيه كنت مرعوبه  في الأول مكنتش أعرف فرق السن، بعدين أنصدمت وقولت يمكن علشان كده أحنا بنتخانق كتير، بحاول أحط نفسي مكانة وأفتكر وأنا في عمره كنت بعمل أيه، أنا بحترمه وبديله مساحته".

تحدثت عن تعليقات كونها متزوجة بشخص يصغرها قائلة:" في ناس كتير قالت إن دي حاجة،  كارثية وأن العلاقه مش  هتنجح، لأن عادة ما يكون تفكيرها أنضج لكن، هو ذكي وقدر يتخطى العقبات، محدش مقدر ظروفي الناس شايفنا في التليفزيون، وأحنا مبسوطين وحاطين مكياج، برجع البيت بكون لوحدي وانا مش هبقي لوحدي عشان الناس بتقول ده مش مناسب، أنا عايزه يكون ليا بيت وأولاد وحياه خاصة ".