«تغيب».. باسم عبد الوهاب يطرح أحدث أعماله الغنائية
الخميس 19/يناير/2023 - 02:47 ص
آية رأفت أبوهاشم
طباعة
طرح المطرب باسم عبد الوهاب، أحدث أعماله الغنائية بعنوان "تغيب" التي صورها على طريقة الفيديو كليب، من إخراج كريم عبد الوهاب، وكلمات أحمد عرفان، وألحان باسم عبد الوهاب، وتوزيع وميكس وماستر كريم عبد الوهاب .
تقول كلمات أغنية "تغيب":
مين قال نسيت
أنا بس يمكن حبة عنك إتلاهيت
للعلم ده مش غصب عني ده قصد مني
ده مش كسوف
ده شكل رسمى ودى معاملة الضيوف
ولا أنت مستنيني تاني أخدك في حضني
تغيب تغيب و تيجي تسأل ع الغلاوة
طب حتى ده ف عرف الفراق أصلاً جريمة
وإن كنت مش فاهم ولسه عليك غشاوة
إزاي تِقَدر حاجة ليها ماعادش قيمة
كان عندي شوق
بس اما شوفتك عيني ترجمة الفروق
مش في الملامح دي الطباع الوحشة زايدة
وأنا مش ملاك
ولا كلمتين حنية هارجع أعيش معاك
لا دا إنت عايز حد غيري مشاعرة باردة
تغيب تغيب و تيجي تسأل ع الغلاوة
طب حتى ده ف عرف الفراق أصلاً جريمة
وإن كنت مش فاهم ولسه عليك غشاوة
إزاي تِقَدر حاجة ليها ما عادش قيمة
ويذكر أن، المطرب باسم عبد الوهاب غنى تتر مسلسل "يوميات زوجة مفروسة"، من كلمات أيمن جودة وألحان مصطفي محفوظ وتوزيع كريم عبد الوهاب، كما قدم أغنية بعنوان "كلامي عنك"على طريقة الفيديو كليب، من إخراج كريم عبد الوهاب.
