وجه إبراهيم فايق الإعلامي بقنوات أون تايم سبورتس ومُقدم برنامج جمهور التالتة هجومًا شديدًا لـ مرتضى منصور رئيس نادي الزمالك ردًا على تصريحات الأخير بالأمس على قناة الزمالك الفضائية والتي قال فيها "هاخد أمك يا إبراهيم يا فايق غسيل ومكوى". 

وقال فايق في الفيديو الذي نشره عبر صفحته الرسمية على الفيسبوك: "أمي اللي إنت جيبت سيرتها وشتمتها جزمتها برقبتك ورقبة مليار واحد من عينتك".

وواصل ردًا على تصريحات رئيس نادي الزمالك بأنه سيطرده من عمله قي قنوات أون تايم سبورتس: "أوعى تفتكر إن حد هيسكت لك بعد كده، إنت جعجاع وأونطجي ومتعرفش تعمل حاجة وده أخرك، وأنا مش فارق معايا أي حاجة، وإنت عارف ده كويس أوي، والناس كلها عارفة ده".

وأضاف مُقدم برنامج جمهور التالتة: " حياتي هعيشها مرة واحدة بس، هعيشها مرفوع الراس، يا أونطجي، يا جعجاع، يا أبو لسان زفر، يا سباب، يا لعان، وده بالقانون وبحكم المحكمة يا سوابق".

وأكمل حديثه مهاجمًا مرتضى منصور قائلًا: "عليك حكم محكمة بيقول كده، لما تروح تعمل فيش وتشبيه، هتلاقي في صحيفتك الجنائية عليك حكم محكمة بيقول إنك سباب ولعان".

واختتم حديثه في الفيديو قائلًا: "يا أخي ده الواحد حتى قرفان يقول اسمك، اسمك اللي بالمناسبة مبقاش بيعبر عن أي حاجة غير السب والشتيمة، وده تستحقه إن يلتصق اسمك بكل القاذورات دي، ده اللي تستحقه بالمناسبة".