أشرقت مدكور شابة منذ نعومة أظافرها، تهوى التمثيل التحقت بكلية التجارة جامعة عين شمس، لكن مجال دراستها لم يكن عائقا عن تحقيق حلمها، وشاركت ببرنامج المسابقات واكتشاف المواهب «الدوم الموسم الثاني»، وكان حضورها مميزا وأبهرت أعضاء لجنة التحكيم دون استثناء.



مصدر قوة أشرقت دعم الأهل والأصدقاء، فضلا عن فخرهم بموهبتها وكانوا ينتظرون إذاعة حلقات البرنامج على أحر من الجمر: «ردود أفعالهم كانت دايما بتخليني متحمسة إن أنا أكمل، كل حد في حياتي بيدعمني بطريقته، أخويا أصلا اللي خلاني أبدا أمثل من وأنا صغيرة، ولما كبرت اكيد في البيت كانوا خايفين عليا من مجال جديد ومختلف، فبقوا يدعموني بطريقتهم، إن هما مثلاً لو عندي تصوير أو أي حاجة مامتي بتبقى معايا بابا لازم يعرف كل التفاصيل عن المكان، عشان يبقوا دايما مطمنني».

وكان لخطيبها دور كبير في دعمها وتابعت: «خطيبي دايما بيدعمني بيوريني قد إيه أنا كويسة، ودايما واقف جمبي واختي بتساعدني وتشجعني دايما بالكلام، وشاركت في أكتر من مهرجان وأخدت أكتر من جايزة في مهرجان إبداع ومهرجانات الجامعة والمهرجان القومي».